Դժվար է, ոչ, անհնար է թվել այդ հրաշալի սերմերի բոլոր օգտակար հատկությունները…

EnterTrain-ը ներկայացնում է դդմի սերմերի օգտակար հատկությունները:

Դդմի սերմերը հարուստ են C, Е, A և K վիտամիններով: Դրանք իդեալական մթերք են օրգանիզմի մաքրման և ամրացման համար:

Դդմի սերմերը պարունակում են մեծ քանակությամբ ցինկ, որն անհրաժեշտ է մաշկի, եղունգների, մազերի առողջության և գեղեցկության, իմունիտետի ամրացման համար:

Ցինկը նաև արդյունավետորեն ազդում է տղամարդանց և կանանց սեռական համակարգի աշխատանքի վրա: Նորմալացնում է սեռական հորմոնների արտադրությունը, շագանակագեղձի և արգանդի վզիկի քաղցկեղի կանխարգելիչ է: Ֆոսֆորի և ցինկի համադրությունը բարձրացնում է սերմնահեղուկի շարժությունը և ձվաբջիջների որակը:

Դդմի սերմերի 100 գրամում պարունակվում է ֆոսֆորի օրական նորմայի 153%-ը: Նույն քանակությամբ սերմերը պարունակում են մագնեզիումի օրական նորմայի 148%-ը և մանգանի օրական նորմայի 100%-ը:

Դդմի սերմերը լավագույն միջոցն են որդերի դեմ: մասնագետներին հայտնի են այդ սերմերի շատ բուժական հատկություններ՝

1. Տղամարդկանց շագանակագեղձի խնդրի դեպքում
Դդմի սերմերը հակաբորբոքային ազդեցություն ունեն շագանակագեղձի վրա, նորմալացնում են փոխանակման գործընթացները:

2. Ցածր իմունիտետի դեպքում
Ցինկի և E ու C վիտամինների շնորհիվ՝ դդմի սերմերն ամրացնում են իմունիտետը:

3. Օստեոպորոզի դեպքում
Կալցիում + մագնեզիում + ցինկ զարմանալի եռյակն իդեալական համադրություն է ոսկրային համակարգի համար:

4. Հիպերտոնիկ հիվանդությունների դեպքում
Դդմի սերմերն անհրաժեշտ են արյան անկայուն ճնշում ունեցողներին: Դրանք նաև նվազեցնում են հիպերտոնիկ հիվանդությունների ռիսկը:

5. Ընկճախտի դեպքում
Դդմի սերմերը հարուստ են տրիպտոֆանով՝ ամինաթթվով, որն օրգանիզմում սերոտոնին է առաջացնում՝ «երջանկության հորմոն»:

6. Տոքսիկոզի դեպքում
Հղի ժամանակ կանանց կեսից ավելին տառապում է այդ խնդրով և դրա դեմ շատ միջոցներ կան, բայց միայն դդմի սերմերն են բացի փսխումը և սրտխառնոցը վերացնելուց՝ օրգանիզմը հարստացնում օգտակար թթուներով և ճարպերով:

7. Դիաբետի դեպքում
Օրական 20-30 դդմի սերմ օգտագործելը հնարավորություն է տալիս նորմալացնել ինսուլինի մակարդակն արյան մեջ:

8. Կանանց դեպքում առողջական խնդիրների դեպքում
A և E վիտամինների, ցինկի բարձր պարունակության դեպքում կանանց մաշկը կմաքրվի պզուկներից, չիբաններից և սև կետերից: Եղունգները կամրանան, մազերի վիճակը կլավանա:

Դդմի սերմերն իսկական փրկություն են կանանց համար դաշտանադադարի շրջանում, նվազեցնում են գլխացավերը:

9. Մարսողական խնդիրների դեպքում
Լավացնում են մարսողությունը, կարգավորում կղանքը, ազատում են ստամոքսային սպազմներից, կանխում են գազերի առաջացումը:

10. Միզաքարային հիվանդության դեպքում
Դդմի սրեմերի պարբերական օգտագործումը կանխում է մեզում կալցիումի օկալատի առաջացումը, ինչը միզաքարային հիվանդության հրաշալի կանխարգելում է: Արդյունավետ միզամուղ միջոց է:

11. Նևրոզների և սթրեսի դեպքում
Պարունակում են B խմբի վիտամիններ և Օմեգա-3 պոլիչհագեցած ճարպային թթուներ, որոնք ամրացնում են նյարդային համակարգը, օրգանիզմը պաշտպանում են նևրոզներից, նյարդային խանգարումներից և սթրեսի այլ հետևանքներից:

12. Այրվածքների դեպքում
Դդմի սերմերը շատ լավ բուժում են այրվածքները և դժվար ապաքինվող վերքերը: Պետք է դդմի սերմերով շիլա պատրաստել, դնել վերքի վրա, թողնել մի քանի ժամ:

Հակացուցումներ՝
1. Դդմի սերմեր ուտել բժիշկները խորհուրդ չեն տալիս ստամոքսաղիքային տրակտի հիվանդություններով տառապող մարդկանց:

2. Սերմերն օգտագործել պետք չէ դդմի և դրանից պատրաստված ուտելիքների անհատական անտանելիության դեպքում:

3. Դդմի սերմերի չափից շատ օգտագործումը կարող է հանգեցնել ատամի էմալի վնասման և մարմնի զանգվածի ավելացման:

Մեղրով գնդիկներ դդմի սերմերով շագանակագեղձի բուժման համար՝

Բաղադրիչները՝
500 գ. դդմի թարմ սերմեր

1 բաժակ բնական մեղր

1. Դդմի սերմերը կեղևազատիր և մի քիչ չորացրու:

2. Սերմերն անցկացրու մսաղացով:

3. Խառնիր մանրացված սերմերը և մեղրը: Լավ խառնիր և մի քանի ժամով դիր սառնարանը:

4. Երբ խառնուրդը խտանա, դրանից ոչ մեծ գնդիկներ պատրաստիր:

5. Բարի ախորժակ:

Ամեն առավոտ մեկ այդպիսի գնդիկ դիր բերանդ և դանդաղ ծծիր: Այդ բուժումը կօգնի ոչ միայն շագանակագեղձի դեպքում: Բժիշկները յուրաքանչյուր տղամարդու խորհուրդ են տալիս այն կիրառել գոնե տարին մեկ անգամ: