Տոներից առաջ արագ նիհարել եմ 3 կիլոգրամով և հետո չեմ գիրացել. Ահա, թե ինչպես...

EnterTrain-ը ներկայացնում է արագ և արդյունավետ նիհարելու մի քանի միջոց: Այս կանոններին հետևելու դեպքում կարելի է արագ նիհարել Նոր արուց առաջ, տոների ընթացքում ոչ մի կիլոգրամով չգիրանալ և շարունակել նիհարել դրանցից հետո:

Ոչ ոք չի հաշվում՝ որքան է ուտում ամանորյա սեղանի շուրջ երկար ժամանակ նստած: Որպես կանոն, թվերը սարսափցնող են՝ մարդը մեկ անգամ սեղանի շուրջ նստելով՝ միջինում ուտում է 900-1 600 գ: Բայց մարդու ստամոքսի ծավալը 2 բռունցքի չափ է, այսինքն՝ 500 մլ:

Եթե հաշվի առնենք՝ այդ օրերին որքան երկար են մարդիկ սեղան նստում, չես ուզում մտածել՝ որքան է մարդը գիրանում:

Ինչպես չափից շատ չուտել

Չափից շատ ուտելը հաճախ պայմանավորված է սննդից հոգեբանական կախվածությամբ և սովորություններով, որոնք մեր մեջ սերմանել են մանկուց. եթե մինչև վերջ չուես, վատ աղջիկ կլինես:

Չափից շատ ուտելու հակված են նաև նրանք, ովքեր վիտամինների, միկրոտարրերի և այլ օգտակար նյութերի պակաս ունեն:

Ուստի պարբերաբար օգտագործիր մրգեր, հատկապես՝ նուռ, կիտրոն, կիվի, բանան:

Ստուգված խորհուրդներ

Դարչինով կեֆիր

Սեղան նստելուց մեկ ժամ առաջ խմիր 1 բաժակ անյուղ կեֆիր՝ դրան ավելացնելով 1 թ. գ. դարչին: Դարչինի բույրը զգալիորեն նվազեցնում է ախորժակը, քաղցի անտանելի զգացումը և գրգռվածությունն ուտելուց առաջ անհետանում են: Եթե կեֆիր չես սիրում, այն փոխարինիր յոգուրտով:

Բացի դրանից՝ թաշկինակի վրա մի քանի կաթիլ դարչինի եթերայուղ կաթեցնելով՝ հաստատ կխուսափես չափից շատ ուտելուց: Պետք է միայն երբեմն շնչել այդ հաճելի բույրը:

Կանաչ ափսե

Ափսեի վրա հազարի մեծ տերևներ դիր: Այդպես քեզ միշտ կթվա, որ ափսեն լիքն է, և էլ ցանկություն չես ունենա համեղ ուտելիք լցնելու: Առավելևս, որ հազարի տերևներն ուտելուց հետո կարելի է ուտել. ոչ մի ավելորդ կալորիա, միայն օգտակար նյութեր:

Թարմ շնչառություն

Քեզ կօգնեն ատամի մածուկն ու խոզանակը կամ անանուխով մաստակը: Երբ զգում ես, որ ուր-որ է՝ չափից շատ կուտես, դիետոլոգները խորհորդ են տալիս ատամները մաքրել կամ մաստակ ծամել:

Ատամների մեջտեղում մնացած սննդի մնացորդները գրգռում են համային ընկալիչները և դրդում են էլի ուտել:

Գոտի իրանին

Տոնի գնալիս նորաձև գոտի կրիր: Հենց այն սեղանի շուրջ սկսի սեղմել, բավական է ուտես:

Եթե զգեստիդ հետ գոտի չի սազում, կարող ես հագուստիդ տակից բարակ թել կապել:

Կախարդական սպասք

Փորձիր պատառաքաղը ոչ սովորական ձեռքովդ բռնել, օինակ՝ եթե միշտ աջով ես ուտում՝ ձախով:

Քեզ համար շատ անհարմար կլինի, շատ քիչ կուտես: