Ինչպես պահածոյացնել ծաղկակաղմաբի թթուն, որ լինի համեղ ու մնա սպիտակ
LifeԸնտրել որակյալ, սպիտակ ծաղկակաղամբ՝ մեկ երեքլիտրանոց բանկայի համար 800 գրամ ծաղկակաղամբ: Այն բաժանել փնջերի այնպես, որ ծաղկային տեսքը պահպանվի, չփշրվի:
Առանձնացված ծաղկակաղամբը սկուտեղի վրա տարածել, թողնել մի քանի ժամ այդպես: Հետո 3-4 ժամ պահել սառը ջրում: Սառ ջրի մեջ կարելի է դնել նաև վարունգը, եթե նախատեսել եք թթվին նաև կաղամբ ավելացնել:
Բանկաներում թթվի բաղադրիչները դասավորել հետևյալ կերպ.
Առաջին հերթին բանկայի տակի հատվածում սամիթ դնել. և՛ չորացված, և՛ թարմ:
Հետո լցնել նախապես ձևավոր դանակով կտրտված սխտորը և գազարը, ապա՝ դափնու տերև, սև, կլոր պղպեղ մի քանի հատ: Կծու նախընտրողները կարող են ավելացնել կծու տաքդեղ: Հետո լցնել նաև որոշակի քանակությամբ ծաղկակաղամբ, վարունգ և կանաչ պոմիդոր: Կանաչ պոմիդորը դնելուց առաջ կարելի է դանակով խաչաձև կտրել մի փոքր, որ համային ազդեցությունն ավելի ուժեղ լինի: Առաջին շերտը համարել արված, նույն սկզբունքով ավելացնել երկրորդ շերտը այնքան, մինչև բանկան ամբողջությամբ լցվի:
Նախապես առանձին տարրայի մեջ պարաստել աղաջուր՝ 1 լիտր ջրին լացնել 50 գրամ աղ: Մեկ երեքլիտրանոց բանկայի մեջ տեղավորվում է մոտ 1,5 բաժակ ջուր: Աղաջուրը լցնել ամենավերջում: Բանկաները չփակել, կիսափակ վիճակում թողնել երկու օր:
Երկու օր հետո բանկաների տարողությունը կիսաթթված վիճակի են հասնում: Բանկաներից աղաջուրը տեղափոխել ուրիշ տարրայի մեջ, եռացնել, հետո կրկին լցնել բանկաները և փակել:
1
2
3
4
5
1
2
3
4
5
1
3
4
