Դուք սպանում եք ձեր կենցաղային տեխնիկան. Ինչպե՞ս ենք մենք ինքներս փչացնում դրանք

Բարձրորակ կենցաղային տեխնիկան երկար ժամանակ է ծառայում և իրենց գործառնական որակներով հաճույք է պատճառում տանտիրուհուն: Բայց երբեմն մենք ինքներս վնասում ենք դրանք և կրճատում օգտագործման ժամանակը: Կան նրբություններ, որոնք պետք է հաշվի առնել, այդ դեպքում ձեր սարքավորումները երկար ժամանակ կծառայեն ձեզ՝ առանց որևէ խնդիրների:

 1 Լվացքի մեքենա

Վնասի հսկայական մասը վերաբերում է փոքր բաների, ինչպիսիք են գուլպաները և այլն: Լավագույնն է դրանք լվանալ հատուկ տոպրակի մեջ: Մեքենան բեռնելու ժամանակ ստուգեք բոլոր շորերի գրպանները: Մետաղադրամներ, բանալիներ կամ մաստակ` կարող են ճակատագրական լինել: Ակտիվորեն գովազդվող հակակրային միջոցները նույնպես վնասում են մեքենան հաճախակի օգտագործման դեպքում: Հետևեք միջոցի կիրառման ուղեցույցին:

2 Միկրոալիքային վառարան

Առանց միկրոալիքային վառարանի դժվար է պատկերացնել ժամանակակից խոհանոցը: Ամենակարևորը, այն պետք է լինի յուղից մաքրված: Բացի այդ, բացառեք փայլաթիթեղի ափսեների և տարաների օգտագործումը, որոնք նախատեսված չեն միկրոալիքային վառարանների համար, մեկ այլ սխալ էլ այն է, որ տաքացնում են շատ փոքր բան, որի քաշը 50 գրամից պակաս է: Նման բեռը համարվում է զրոյական և վնասակար:

3 Աման լվացող մեքենա

Շատ կարևոր է աման լվացող մեքենայի ճիշտ բեռնումը` խուսափելով ծանրաբեռնելուց: Լվացող մասը պետք է պտտվի առանց միջամտության: Բացի այդ, բեռնելուց առաջ հեռացրեք սնունդի մեծ կտորները, հակառակ դեպքում խցանումներ կլինեն: Խորհուրդ չի տրվում երկու կամ երեք բաժակի համար միացնել ամբողջական ցիկլով, ավելի լավ է միացնել պարզաջրման ռեժիմ: Ընտրեք ճիշտ ռեժիմ, ջուրը մեղմելու համար օգտագործեք աղ: Հակառակ դեպքում, ներսից կրաքարի կուտակումները շատ արագ կձևավորվեն և կխախտի սարքի աշխատանքը:

Այս պարզ խորհուրդները կերկարաձգեն ձեր տնային օգնականների կյանքը: Ճշգրիտ օգտագործումը և զգույշ վերաբերմունքը ձեզ կփրկեն անսպասելի խափանումներից: