Ո՞ր մթերքներում է ավելի շատ կալցիում պարունակվում

Մարդու օրգանիզմին կալցիումն ուղղակի անհրաժեշտություն է. այն ապահովում է ոսկորների և ատամների, ինչպես նաև մկանների և արյունաստեղծ համակարգի առողջությունը:

Մարդկանցից շատերը կարծում են, թե կաթի մեջ է ամենաշատ կալցիում պարունակվում, սակայն այս մթերքն ամենևին միակը չէ և ամենևին կալցիումի լավագույն աղբյուրը չէ:

Պանիր

Պանիրը կալցիումի լավագույն աղբյուրներից մեկն է, իսկ պանիրների թվում առաջատարը պարմեզանն է: Պարմեզանի 100 գրամի մեջ պարունակվում է մեկ գրամից ավելի կալցիում, իսկ գաուդա պանրի մեջ՝ 500-ից մինչև 800 միլիգրամ:

Յոգուրտ և կաթնաշոռ

Յոգուրտը և կաթնաշոռը նույնպես կալցիումի լավ աղբյուր են. դրանց 100 գրամի մեջ պարունակվում է 100-ից մինչև 150 միլիգրամ կալցիում:

Քնջութ

Քնջութի մեջ գրեթե նույնքան կալցիում է պարունակվում, որքան գաուդայի՝ 100 գրամին մոտ 500-800 միլիգրամ: Այլ հարց է, որ 100 գրամ պանիր ավելի հեշտ է ուտել, քան 100 գրամ քնջութ:

Վուշի սերմեր

Վուշի սերմերում կալցիումի պարունակությունը կազմում է 100 գրամին 260 միլիգրամ. սա ավելի է, քան կաթի մեջ:

Նուշ և պնդուկ

Պարզվում է, որ կալցիումով հարուստ են նաև ընկույզները. նուշի մեջ այն կազմում է 250 մգ, պնդուկի մեջ՝ 225 մգ:

Ձու

Կալցիում է պարունակվում նաև հավկիթի դեղնուցի մեջ: Դրանից բացի, ձուն պարունակում է К վիտամին, որը նույնպես նպաստում է ոսկորների ամրացմանը:

Կանաչ բանջարեղեն

Կալիցիումով հարուստ տեսակներն են՝ սամիթը, բրոկոլին, պրասասոխը և սպանախը: