Արտաքին բացասական ազդեցությունը տնտեսության վրա պահպանվում է
Մանե Զաքարյանը ֆեյսբուքյան իր էջում գրում է .
Ի թիվս այլ վիճակագրական տվյալների̀ Ազգային վիճակագրական ծառայությունը ներկայացրել է 2015թ-ի հունվար-սեպտեմբեր ամիսների տնտեսական ակտիվության ցուցանիշները: 2015թ-ի հունվար-սեպտեմբեր ամիսներին նախորդ տարվա նույն ժամանակահատվածի համեմատ տնտեսական ակտիվության ցուցանիշն աճել է 3.7%-ով:
Ըստ ներկայացված ցուցանիշների՝ տնտեսական ակտիվության աճ է նկատվել հատկապես ամռան ամիսներին, որը պայմանավորված է գյուղատնտեսական համախառն արտադրանքի ավելացմամբ: Մասնավորապես, նախորդ տարվա նույն ժամանակահատվածի համեմատ, գյուղատնտեսական համախառն արտադրանքի ծավալն այս տարվա հունվար-սեպտեմբերին ավելացել է 11.3%-ով, իսկ ամսական կտրվածքով աճը կազմել է 48.5%: Հայտնի է, որ այս տարվա գյուղատնտեսական բերքը սպասվածից ավելի շատ է եղել, ինչը պայմանավորված է կլիմայական բարենպաստ պայմաններով, ինչպես նաև պետության կողմից ցուցաբերած իրատեսական քաղաքականությամբ:
Տնտեսական աճի ավելի բարձր ցուցանիշ կարող էր գրանցվել, եթե չլիներ ստեղծված աշխարհաքաղաքական անկայուն իրավիճակը: Ռուսաստանի տնտեսության ազդեցությունը հաճախ զգալի է լինում Հայաստանի տնտեսության վրա: Արևմուտքի և Եվրոպայի պատժամիջոցներն ընդդեմ Ռուսաստանի իրենց տեսանելի ազդեցությունն են ունեցել Հայաստանի տնտեսական աճի տեմպի վրա: Ռուսաստանի գնողունակության նվազմամբ պայմանավորված զգալի նվազել է գյուղատնտեսական ապրանքների արտահանման ծավալները, ինչն իր հերթին խնդիրներ է առաջացրել ներքին շուկայում: Մյուս կողմից նվազել են ռուսական տրանսֆերտները, որն իր հերթին նվազեցնում է սպառման ծավալները Հայաստանում:
Նկատի ունենալով, որ աշխարհաքաղաքական բացասական ազդեցությունները կարող են անընդհատ արտացոլվել ՀՀ տնտեսական աճի տեմպերի վրա, պետական կառավարման ջանքերը պետք է ուղղված լինեն նման ռիսկերի դեպքում արագ հակազդեցության մեթոդներ մշակելու և կիրառելու վրա:
1
2
3
4
5
1
3
4
5
1
2
3
5
