Մի՞թե ադամանդը վատ ճաշակի նշան է. իմանալով այս կանոնները՝ ես սկսեցի մատանիները միայն այսպես կրել

EnterTrain-ը կներկայացնի հնարքներ, որոնց տիրապետելով մատանիները միշտ ճիշտ կկրես, բարձունքում կլինես:

Ինչպես կրել մատանին

1. Էժան և վառ զարդեր լավ կլինի կրեն 20 տարեկանից ոչ մեծ աղջիկները: Ընդհանարապես, լավ կլինի՝ այդ բոլոր մանկական իրերը դեն նետել և մեկ գեղեցիկ ու նուրբ զարդ ընտրել:

2. Պետք է հրաժարվել նույն մատին տարբեր մետաղներից, ծիածանի բոլոր գույների քարերով զարդեր կրելու սխալ սովորությունից: Եթե շատ զարդեր ես սիրում, հոգա, որ դրանք իրար հետ համահունչ լինեն: Էժան մատանին և ադամանդով մատանին ոչ մի դեպքում չի կաերլի իրար հետ կրել:

3. Ադամանդների մասին…

Ցերեկն ադամանդներ և այլ թանկարժեք քարեր կրելը վատ ճաշակի նշան է: Իսկ երեկոյան կարելի է կրել ամենահրաշագեղ զարդերը, դրանք կհամալրեն երեկոյան էլեգանտ կերպարը:

4. Պարտադիր հետևիր զգեստապահարանիդ և զարդերիդ ներդաշնակությանը: Օրինակ՝ սովորական շապիկի, ջինսերի և սպորտային կոշիկների հետ չի համադրվի խոշոր քարով հարուստ մատանին:

5. Ամուսնական մատանին այն քիչ զարդերից է, որը կարող է համադրվել լրիվ տարբեր մատանիների հետ:

6. Մատնիների սիրահարները պետք է միշտ հետևեն իրենց մատնահարդարմանը: Քանի որ թանկարժեք զարդը պարտադիր ուշադրություն կհրավիրի դրա տիրուհու մատներին: Իսկ եթե մատները հարդարված չեն, ավելի լավ է՝ մատանի չկրել:

Ինչպես իդեալական մատանի ընտրել

1. Տարիք

Երիտասարդ կինը պետք է նրբությանը և մինիմալիզմին նախապատվությունը տա մատանիների դիզյանում: Բարակ գծերը և կոկիկ ոչ մեծ քարերը կընդգծեն երիտասարդ, թարմ մաշկը և երիտասարդ տարիքը: Եթե տարիքով մեծ ես, քեզ համար գործնականում սահմանափակումներ չկան:

Խոշոր քարերով զարդարված մեծ մատանիներն իդեալական տարբերակ են: Այդպիսի զարդն ուշադրություն կգրավի դեպի իրեն, ոչ թե հասուն մաշկի կողմը:

2. Խոշոր մատներ

Եթե խոշոր ձեռքեր ունես կարճ մատներով, հոգ չէ: երկարավուն քարով խոշոր մատանիով կարելի է քողարկել բոլոր թերությունները: Իսկ լայն մատանիները տեսողական առումով մեծացնում են ձեռքը:

3. Ձեռքի ձև

Եթե դաստակները թմբլիկ են, պետք է ընտրել անկանոն անկյունաձև մատանիներ կամ երկարավուն քարերով մեծ մատանիներ: Իսկ կլոր քարերը վատագուն թշնամին են, քանի որ դրանք կընդգծեն ձեռքի թմբլիկությունը:

Նկատելի հոդերով դաստակների դեպքում իդեալական են ծավալուն քարերով մատանիները, քանի որ դրանք հեշտությամբ ուշադրությունը կշեղեն թերություններից: Իսկ չափազանց բարակ և նուրբ մատանիները լավագույն ընտրությունը չեն այդպիսի դաստակների դեպքում:

Ոչ մեծ քարերով լայն մատանիներն իդեալական են բարակ մատներով չափազանց նիհար ձեռքերի համար: Իսկ օվալաձև կամ կաթիլի ձև ունեցող մատանիները տեսողական առումով կերկարացնեն առանց այդ էլ երկար մատները, ուստի այդպիսի զարդեր չպետք չէ նախընտրել: