Սթափվեք մարդիկ, որ հետո գլուխներդ չառնեք ձեռքի ափերի մեջ ու գլուխ օրորեք...

Արթուր Հայրապետյանը ֆեյսբուքյան իր էջում գրում է .

Մի քանի հոգի սահմանադրությունը գլխիվայր շուռ են տվել ու այժմ ժողովրդին հանել, ասում են՝ գնա, ասա՝ այո... Ժողովուրդը տեղյա՞կ է արդյոք սահմանադրական փոփոխություն կոչված, հատկապես այն կետերը, որ կա-չկա: Իհարկե ժողովուրդը լավագույն դեպքում տեղյակ է, որ սահմանադրական բարեփոխումներ են եղել, բայց իրականում ինչ, ում համար. իհարկե ոչ ժողովրդի... Ուստի ով է իրավունք վերապահել իրեն, ժողովրդի անունից դուրս գալ, օր նշանակել ու ասել՝ ընտրություն կատարիր... Հիմա էլ ցուցակներ են հանել, տնտղում են, ով կա, ով մեռել է, ով երկրում չի, բայց բոլորը ցուցակներում կան...

Ժողովուրդը դա միայն մի քանի կուսակցությունների ներկայացուցիչների կողմից ձևավորված զանգաված չէ, երբ եք հասկանալու վերջապես, ժողովուրդը դա հայրենիք պահող, արժանապատվություն ունեցող, հպարտ քաղաքացին է, ով միասնական ասում է սահմանադրական բարեփոխումներին՝ ոչ... իսկ եթե ավելի կոնկրետ, ապա ժողովուրդը այսօր սահմանադրական բարեփոխումների խնդրով չէ, որ ապրում է, ոչ էլ սահմանադրական բարեփոխումն է գալու ու հետը ապահով Հայաստան բերելու... Այնպես որ ինչ էլ, որ անելու լինենք միևնույն է կեղծելու են, լցոնելու են, Աբրահամյան Հովիկը վկա ու իրենք իրենցով՝ այո-ն անցկացնելու են: Միայն մի տարբերակ կա, դուրս գալ ու ասել՝ ոչ, այդկերպ ցույց տալով, որ ժողովուրդը չեղյալ է համարում այդ չարաբաստիկ սահմանադրական բարեփոխում կոչվածին... այսինքն ընտրություն չպետք է լինի և վերջ...