Ադրբեջանի լոբբիի ապագան բավական մռայլ է

Սեդրակ Մկրտչյանը ֆեյսբուքյան իր էջում գրում է .

Այս տարվա հուլիսին մի քանի ընկերներով սկսեցինք վերլուծել ԱՄՆ-ում Ադրբեջանի լոբբիստական ծախսերը։ Բոլոր տեղեկությունները արտասահմանյան կազմակերպությունների ու ԱՄՆ լոբբիստական կազմակերպությունների համագործակցության մասին հրապարակվում են ԱՄՆ Արդարադատության դեպարտամենտի կողմից։ Շուտով ավարտեցի ինֆոգրաֆիկան, որտեղ ներկայացված են Ադրբեջանի իրականացված ծախսերը (միայն գրանցվածները) ԱՄՆ-ում լոբբիստական գործունեության ծավալելու ուղղությամբ։ Այս գրաֆիկում տեղ է գտել տեղեկությունների հսկա ծավալ, մինչ դեռ, համոզված եմ՝ դեռ զգալի մասը մնում է չգտնված՝ քողարկվմած լինելով ֆիկտիվ անունների տակ։ Զգալի աշխատանք է տարվում, դատելով մամուլի ու իրավապաշտպան կազմակերպությունների հրապարակումներից, նաև նվերների ու անուղղակի աջակցության միջոցով։

 Պատվիրատուների ցուցակում են ԱՄՆ-ում Ադրբեջանի Դեսպանությունը, ԱՄՆ-ում Ադրբեջանի գլխավոր հյուպատոսարանը, Ամերիայում Ադրբեջանի Ալյանսը, Ադրբեջանի Պետական Նավթային կազմակերպությունը, ԱՄՆ-Ադրբեջանական առևտրի պալատը, Ադրբեջանի Միջազգային Բանկը, նախագահի աշխատակազմը, ինչպես նաև Ռենեսանս Ասսոշիէյթս Բաքու ու Ռենեսանս Ասսոշիէյթս SA անունները կրող կազմակերպություններ, ինչպես նաև Կամելով Նավթի ու Գազի կազմակերպություն։

Կապալառուների թվում են Ֆաբիանի էնդ Կո, Կարպինո և Ասոշիէյթս, Փեթն-Բոգս, Պոդեստա Գրուպ, Բոբ Լոուրենս և Ասոշիէյթս, Քրեյն Գրուպ, Լիվինգսթոն Գրուպ, Թուլ Շեդ Գրուպ, Ջեֆերսոն Ուոթրման։

Լրատվական ծառայությունները, որոնք գտնվում են վերոնշյալ լոբբիստների ու հարակից անձանց ազդեցության տակ, The New York Times, Washinton Times, Forreign Affairs, Huffington Post, The Hill, և այլն։

Հ.Գ. Հուլիսից մինչ այսօր Ադրբեջանը սպառել է լրացուցիչ մի քանի միլիարդ դոլար մանաթի արժեքը կայուն պահելու համար, այսօր ընկղմվել է ավելի խորը ճգնաժամի մեջ ու հետաքրքիրը այն է, որ ամենաշատ գումարները ծախսող Ամերիկայի Ադրբեջանական Ալիանս կազմակերպությունը, որը ղեկավարում էր Ադրբեջանի Տրանսպորտի նախարարի որդի Անար Մամադովը, հայտարարել է իր լուծարման մասին։ Հսկա ծավալների գումարներ են ծախսել, սակայն առարկայական հաջողության արդպես էլ չեն հասել։ Սակայն հասցրել են լոբբիստների շրջանում շատ փող ունեցող մարդկանց հեղինակություն են ձեռք բերել ու այսօր արդեն հասնելու համար մի արդյունքը, որը օրինակ հայկական կազմակերպությունները կարող են անել անվճար, իրենցից կպահանջեն 4 անգամ մեծ գումար։ Իսկ ճգնաժամի խորացման հետ մեկտեղ՝ Ադրբեջանի լոբբիի ապագան բավական մռայլ է։