Գլխատված կամ գնված ընդիմադիր քաղաքական էլիտան այն գործոններից է, որոնց ապավինելով՝ Սերժ Սարգսյանը պատրաստվում է սահմանադրական փոփոխությունները կյանքի կոչել

Լիանա Ռեսթևանյանը ֆեյսբուքյան իր էջում գրում է .

Գլխատված կամ գնված ընդիմադիր քաղաքական էլիտա, ապաքաղաքական տրամադրություններ, հուսալքված հասարակություն, ֆինանսական ռեսուրսների և մեդիա դաշտի գրեթե լիակտար վերահսկողություն,- սրանք այն հիմնական գործոններն են, որոնց ապավինելով՝ Սերժ Սարգսյանը պատրաստվում է սահմանադրական փոփոխությունները կյանքի կոչել: Ցանկացած սահմանադրական փաստաթուղթ որեւէ իմաստ չունի, եթե վերջինս չունի կիրառություն:
Արդյո՞ք ներկայիս սահմանադրությունը կիրառում գտել է իր բոլոր պայմաններով հանդերձ, որ այժմ նոր սահմանադրության անհրաժեշտություն է առաջացել:

Ներկայիս սահմանադրության Հոդված 1-ում ասվում է: “Հայաստանի Հանրապետությունը ինքնիշխան, ժողովրդավարական, սոցիալական, իրավական պետություն է:”
Վերը նշված կետերից որեւէ մեկը չի իրականացվել: Ի՞նչը թույլ չտվեց իշխող ռեժիմներին իրականացնել դրանք:

Ինչ վերաբերում է Հայայաստան-Սփյուռք հարաբերություններին գործող եւ առաջարկվող սահմանադրության մեջ ասվում է.
“Հայաստանի Հանրապետությունը սփյուռքի հետ վարում է համակողմանի կապերի զարգացման եւ ամրապնդման հայապահպան քաղաքականություն:”
Ինչպիսի՞ հարաբերություններ են իրականում եղել Հայաստանի եւ Սփյուռքի միջեւ բոլոր բնագավառներում եւ որո՞նք են արդյունքները: Իրականում տկար հարաբերություններ, որը արդյունք դարձավ Սփյուռքի Հայաստանից օտարման եւ Հայաստանից շարունակական արտագաղթի: Որքանո՞վ է օգտագործված Սփյուռքի տնտեսական, մասնագիտական, գիտական, մտավոր եւ մարդկային ներուժն ու ռեսուրսները:

Եւ այսպես, ի՞ նչ արժեք ունի որեւէ սահմանադրություն կամ համաձայնագիր, եթե այն չի իրականացվելու...