Ինքնաթիռի թռիչքի հետդարձը բավականին թանկ ընթացակարգ է ավիաընկերության համար: Եթե դա ծայրահեղ դեպք չէ, ապա սովորաբար ինքնաթիռները հետ չեն վերադառնում: Բայց դեպքը, որը պատահեց ուղևորուհի Պեգի Ուլեի հետ, «Southwest Airlines» ընկերությունը շատ կարևոր համարեց:
Ամերիկուհին նստել էր Չիկագո-Կոլամբուս չվերթով ինքնաթիռը: Ինչպես ենթադրվում է կանոններով, թռիչքի ժամանակ նա անջատել էր բջջային հեռախոսը: Երբ ինքնաթիռը բարձրացավ օդ, արդեն կարելի էր միացնել սմարթֆոնը, սակայն կինը այդպես էլ չմիացրեց այն, որովհետև մոռացել էր դրա մասին:
Սակայն թոիչքից մի քանի րոպե անց ինքնաթիռը պտտվեց և ուղևորվեց հետ՝ դեպի Իլինոյս նահանգ: Ոչ ոք չէր հասկանում թե ինչ է կատարվում: Հանկարծ Պեգիին խնդրեցին լքել ինքնաթիռի սրահը և մոտենալ գրանցման պատուհանին: Ոչինչ չհասկանալով՝ նա ուղևորվոց նշված վայրը:
Այստեղ նրան սպասում էր սարսափելի նորություն: Նրա տղան, ով ապրում էր Դենվերում, դժբախտ պատահարի պատճառով հայտնվել էր հիվանդանոցում: Նա ուներ գանգուղեղային վնասվածք: Բժիշկները նրա վիճակը գնահատել էին ծանր, նա գտնվում էր կոմայի մեջ:
Պեգիի ամուսինը չէր կարողացել կապվել կնոջ հետ (քանի որ հեռախոսը անջատված էր), այդ իսկ պատճառով զանգել էր ավիաընկերություն: Այնտեղ իրավիճակը գնահատել էին որպես շատ կարևոր և ռացիայով խնդրել էին օդաչուին հետ վերադառնալ:
Բացի դրանից մինչ ինքնաթիռը վերադառնում էր Չիկագո, «Southwest Airlines» ավիաընկերությունը Պեգիի համար պատվիրել էր Դենվերի տոմսեր: Մինչ պատրաստվում էր Դենվերի թռիչքը, Պեգիի համար պատրաստել էին առանձին սպասասրահ:
Դենվերում Պեգիին անգամ ապահովեցին սնունդով, ճամպրուկները տարան նրա նշված հասցեով: Այս ամենը ավիաընկերությունը արեց անվճար:
Այս պատմությունը ունի երջանիկ ավարտ: Ամերիկուհու տղայի բուժումը բարեհաջող անցավ: Նա հիմա իրեն անհամեմատ լավ է զգում, և կյանքին վտանգ չի սպառնում: Պեգին չգիտի, թե ինչպես շնորհակալություն հայտնի ընկության աշխատակիցներին՝ ցուցաբերած օգնության համար: Նա բոլոր կայքերում դրական խոսքեր է գրում «Southwest Airlines» ավիաընկության մասին: Պեգին կարծում է, որ դա այն չնչին բանն է, որ կարող է անել ընկերության համար:
«Southwest Airlines» ընկերությունը ֆինանսական մեծ կորուստներ ունեցավ, փոխարենը կարողացավ օգնել մորը՝ լինել որդու հետ այն պահին, երբ վերջինս նրա կարիքը ամենաշատը ուներ:
1
2
3
4
5
1
2
4
5
1
2
3
4
5
