Նախագիծ՝ գույքի և դրանց սեփականատերերի մասին տեղեկությունների վերաբերյալ
Ուշադրության կենտրոնումՊետական եկամուտների կոմիտեն հանրային քննարկման է ներկայացրել նախագիծ, որով առաջարկում է լրացումներ կատարել կառավարության 2017 թ. հոկտեմբերի 5-ի թիվ 1337-Ն որոշման մեջ։ Ինչի՞ մասին է խոսքը։
Հարկային օրենսգրքի 350-րդ հոդվածը սահմանում է հարկային հսկողության ընթացքում օգտագործվող տեղեկությունների մասին դրույթը։ Նույն հոդվածի 1-ին մասի 4-րդ կետի զ) ենթակետը վերաբերում է երրորդ անձի կողմից ներկայացվող տեղեկություններին:
Երրորդ անձը կարող է լինել պետական կառավարման կամ տեղական ինքնակառավարման մարմինը, հարկ վճարողը, որը այս կետով այլ բան սահմանված չլինելու դեպքում` կառավարության սահմանած կարգով, հարկային մարմին է ներկայացնում այլ հարկ վճարողի գործարքի կամ գործառնության կամ գործունեության վերաբերյալ տեղեկություններ:
Երրորդ անձի կողմից հարկային մարմին պարտադիր ներկայացվող տեղեկություններն են գույքի, դրա սեփականատերերի, գույքի նկատմամբ գրանցված իրավունքների, սահմանափակումների ու դրանց փոփոխությունների մասին համապատասխան լիազոր մարմինների կողմից ներկայացվող տեղեկությունները, սակայն, ինչպես նշվում է նախագծում, ներկայումս հարկային մարմինը համապատասխան լիազոր մարմնից ստանում է միայն գույքի նկատմամբ գրանցված իրավունքների, սահմանափակումների ու դրանց փոփոխությունների մասին տեղեկություն, այսինքն հարկային մարմինը չի տիրապետում որևէ պահի դրությամբ գույքի և դրանց սեփականատերերի մասին տեղեկություններին:
Բացի դա, նշվում է, որ հարկային վարչարարության գործընթացում, բազմաթիվ դեպքերով հարկային մարմինը հարցումներ է կատարում լիազոր մարմնին գույքի և դրա սեփականատերերի մասին տեղեկատվություն ստանալու նպատակով, ինչը պահանջում է լրացուցիչ ռեսուրսներ և երկարաձգում է վարչարարության իրականացման ժամկետը:
Կառավարության որոշման այս նախագծի ընդունումը կնպաստի հարկային մարմնի տեղեկատվական բազայում արտացոլված տվյալների արժանահավատության մակարդակի բարձրացմանը, հարկային մարմնում ռիսկերի գնահատման մեխանիզմների կատարելագործմանը, մասնավորապես` հարկ վճարողների կողմից գույքի գծով ակտիվների հաշվեկշռային արժեքներն ու հարկման բազաները չհայտարարագրելու դեպքերը բացահայտելուն և կանխարգելելուն:
Բացի դա, ՀՀ-ն անդամակցում է տնտեսական համագործակցության զարգացման կազմակերպության` հարկման նպատակով թափանցիկության և տեղեկությունների փոխանակման գլոբալ ֆորումին, որի շրջանակներում ստանձնել է պարտավորություն՝ հարկային իրավախախտումների բացահայտման նպատակով միջազգային համագործակցության շրջանակներում տեղեկատվության փոխանակման նպատակով ապահովելու անհրաժեշտ տեղեկատվական բազաների առկայությունը, իրական սեփականատերերի վերաբերյալ արդիական տեղեկատվության հասանելիությունը, ուստի նախագծի ընդունումն անհրաժեշտ է նաև ստանձնած պարտավորության իրականացման, ինչպես նաև այդ տվյալները միջազգային փոխօգնության վերաբերյալ հարցումների շրջանակներում տրամադրելու համար:
ԼՈՒՍԻՆԵ ԱՌԱՔԵԼՅԱՆ
1
2
3
4
5
2
3
5
1
2
3
4
5
