Քացախի հրաշալի հատկությունները, որոնց մասին չգիտեիք

Ինչ անել, եթե  խոհանոցում մժեղներ են հայտնվել կամ խցանվել է լվացարանը: Այս և այլ բազմաթիվ խնդիրներ կարող եք լուծել քացախի օգնությամբ:

1.Ազատվել լվացարանի խցանումից

Եթե խցանվել է լվացարանը, լցրեք կես բաժակ սոդա, իսկ հետո՝ 1 բաժակ քացախ և մի կողմ անցեք: Խառնուրդը կսկսեի թշշոց հանել, փրփրել: Մնացորդները լվացեք հոսող ջրով:

2.Ազատվել աղբամանի տհաճ հոտից

Մի կտոր հացի վրա քացախ լցրեք և դրեք դատարկ աղբամանի մեջ: Թողեք ամբողջ գիշեր, իսկ հետո հանեք հացը: Հացն ու քացախը կներծծեն տհաճ հոտի մոլեկուլները:

3. Կարելի է փոխարինել գրեթե ամբողջ կենցաղային քիմիան:

Վերցրեք հեղուկացիր, դրա 1/3 մասը լցրեք քացախով, 2/3 մասը՝ ջրով և և 2-3 կաթիլ աման լվանալու հեղուկ ավելացրեք: Լավ թափահարեք և ստացեք ունիվերսալ մաքրման միջոց:

4. Ազատվել մժեղներից

Բաժակի մեջ լցրեք խնձորի քացախ, ծածկեք սննդի տոպրակով և փոքր անցքեր արեք: Մժեղները կմտնեն անցքերի միջով, սակայն չեն կարողանա դուրս գալ:

5. <<Արդուկել>> հագուստն առանց արդուկի

Եթե շտապ հարկավոր է հագուստը կարգի բերել, սակայն ձեռքի տակ արդուկ չկա, ապա հեղուկացիրի մեջ 1 մաս քացախ և  3 մաս ջուր լցրեք: Ստացված լուծույթով մշակեք իրը և թողեք կախիչի վրա՝ ուղիղ վիճակում: Մեծ ծալքերը կուղղվեն:

6.Երկարացնել ծաղկեփնջի կյանքը

Ջրին մի քիչ քացախ ավելացրեք, և ծաղիկները դեռ երկար կուրախացնեն ձեզ:

7.Մաքրել ակնոցը

Միկրոֆիբայից փափուկ անձեռոցիկն ու մի քիչ քացախը՝ ահա սա է հարկավոր անթերի մաքուր ակնոց ունենալու համար:

8. Լվանալ այրված թավան

Կեղտոտ թավայի մեջ մի քիչ քացախ և շատ ջուր լցնել, դնել կրակին և եռացնել: 5 րոպեից այրված հետքերը կմաքրվեն: