«Երբ կինը խաղաղություն է սփռում, ուրեմն նա իդեալական կին է, իսկ երբ վեճեր…». Դավիթ Աղաջանյան

Life.panorama.am-ը գրում է.

Մինչ «Ֆուլ հաուս» սիտքոմում նկարահանվելը մոդել-դերասան-իրավաբան Դավիթ Աղաջանյանը գրեթե երկու տարի էկրաններից հեռացել էր, նրա խոսքերով, նա հիասթափվել էր շոու բիզնեսից եւ որոշել էր հաջողություններ գտնել իր մյուս՝ իրավաբան մասնագիտության շրջանակներում: Սակայն, Դավիթի հավաստմամբ ամեն բան փոխվել է, երբ ստացել է սիտքոմում նկարահանվելու առաջարկը: Life.panorama.am-ի հետ զրույցում Դավիթ Աղաջանյանը պատմեց իր մասնագտությունների, «Ֆուլ հաուս» սիտքոմի եւ իր կյանքում դրա դերի ու կնոջ վերաբերյալ իր պատկերացումների մասին:

«Անկեղծ ասած, երկու տարի առաջ հիասթափվել էի շոու բիզնեսից եւ ցանկություն ունեի շարունակել եւ հաջողություններ փնտրել իմ մյուս՝ իրավաբանական մասնագիտության շրջանակներում, բայց ժամանակի ընթացքում հասկացա, որ չես կարող հեռու լինել մի բանից, ինչը մեջդ է ապրում, վերադարձա դարձյալ այս ասպարեզ. հուսամ այլեւս չեմ լքի»,- արվեստից հեռանալու ու դարձյալ վերադառնալու մասին խոսելիս նշեց դերասանը:
Խոսելով միչ այս իր մարմնավորած դրամատիկ դերերի եւ այսօր իր կերտած կատագերկական դերի մասին, Դավիթը նկատեց, որ դժավարություններ է ունեցել . «Ինձ համար բարդ էր դրամատիկ դերեր մարմնավորելուց հետո կերտել կատագերկական կերպար, բայց, «Ֆուլ հաուս» սիտքոմում հավաքված հիանալի անձնակազմի շնորհիվ, ես կարողացա հաղթահարել բոլոր դժվարությունները: Կարծում եմ, թեկուզեւ ֆիլմերով ավելի լավ է մարդկանց քո խաղով ծիծաղ պարգեւես, քան տխրություն, առանց այն էլ մարդիկանց շրջապատում են բացասական տրամադրությունները, պետք չէ տխրելու եւս մի հոգեվիճակ տալ նրանց: Մեր նախագծի միջոցով, կարծում եմ, օգնում ենք մարդկանց թեթեւանալ եւ ուրախ պահեր ապրել»,- պատմեց նա: Անդրադառնալով «Ֆուլ հաուս»-ում մասնակցելուց հետո իր կյանքում փոփոխություններին, Դավիթը նշեց, որ այս սիտքոմի միջոցով ինքն իր համար բացահայտել է, որ կարող է նաեւ կատագերկական ժանրում իրեն դրսեւորել, բացի այդ դերասանը իր համար սա եւս մեկ փորձ է համարում, այս առումով նկատեց նաեւ. «Մնացած բոլոր փոփխությունները երեւի թե որոշ ժամանակ անց կնկատեմ»:

Հոդվածն ամբողջությամբ՝ սկզբնաղբյուր կայքում: