Իշխանական որոշ գործիչներ կրկին ջղաձգվել են ԲՀԿ-ի առաջարկներից

Արտակարգ ռեժիմի պայմաններում ավելի ակնառու է դառնում, թե քաղաքական կուսակցություններն ու գործիչներն ինչ փորձ կամ գիտելիք ունեն և առհասարակ որքանով են պատրաստ երկրի առջև ծառացած խնդիրներն օր առաջ լուծելու ելքեր գտնելու համար: ԲՀԿ-ն, որը բավական երկար ճանապարհ է անցել, և մեկ անգամ չէ, որ ապացուցել է, որ ունակ է բազմաթիվ խոչընդոտներ հաղթահարել: Կուսակցության առաջնորդ Գագիկ Ծառուկյանի կազմակերպչական բարձր որակների և կուսակցության անդամների մասնագիտական հմտությունների շնորհիվ, կուսակցությունը ոչ միայն դժվար պահերին, այլև առհասարակ, կարողանում է կարճ ժամանակահատվածում մոբիլիզացնել իր բոլոր ռեսուրսները, արդյուանվետ լուծումներ գնտել ու դրանով կանգնել իշխանությունների կողքին: Այսօր էլ, երբ երկիրը կանգնած է հերթական փորձությունը հաղթահարելու բարդ խնդրի առջև, ԲՀԿ-ն կարողացավ ընդամենը ժամերի ընթացքում վերլուծել իրավիճակն ու ստեղծված ճգնաժամային իրավիճակից դուրս գալու ելքեր առաջարկել կառավարությանը, ինչը, սակայն, իշխանության որոշ ներկայացուցիչների մոտ հերթական ջղաձիգ քայլեր անելու պատճառ հանդիսացավ:

Առաջին անգամը չէ, որ ԲՀԿ-ի կողմից կառավարությանը ձեռք մեկնելու պատրաստակամությունը իշխանական որոշ գործիչներ օգտագործում են ԲՀԿ-ի դեմ սև քարոզչություն իրականացնելու և ողջ քարոզչամեքենան կուսակցության ու նրա առաջնորդի դեմ ուղղելու համար: Երկրի առջև ծառացած ծանրագույն խնդիրներին օր առաջ լուծում տալու ԲՀԿ-ի պատրաստակամությունը, բնական է, որ չէր կարող դուր գալ նրանց, ովքեր երկրում տիրող խնդիրներով զբաղվելու փոխարեն օր ու գիշեր զբաղված են այս կամ այն գործչի մասին ապատեղեկատվություն տարածելու հաշվին սեփական ինքնագնահատականը բարձրացնելով: Գուցե ժամանակն է, կանգ առնելու և գոնե այս օրերին հասարակության մասին մտածելու համար, քանի որ ԲՀԿ-ն բազմիցս ապացուցել է, որ կուսակցության համար սեփական շահ չկա, որ կուսացության յուրաքանչյուր ներկայացուցիչ սեփական երկրի բարեկեցությունն ու քաղաքացիների պաշտպանված լինելու հանգամանքը վեր է դասում սեփական անձից: Ուստի, կարիք չկա առանց այն էլ երկրի համար այս լարված ժամանակահատվածում մութ սենյակում կատու փնտրել, լավ իմանալով, որ սենյակը դատարկ է: