Վտանգավոր և տարօրինակ վայրեր, որտեղ մարդիկ են ապրում (լուսանկարներ)
Life
Tert.am-ը գրում է .
Հսկայական մոլորակը բոլորիս տունն է, և թվում է, թե դրա յուրաքանչյուր անկյուն պիտանի է բնակություն հաստատելու համար։ Սակայն մարդկության կողմից ստեղծված հարմարավետ բնակավայրերից դուրս կան բազմում վայրեր, որտեղ մարդիկ ապրում են քաղաքակրթության և վայրի բնության քաոսի սահմանագծում:
Fishki.net կայքն ուշագրավ ֆոտոշարքով անդրադարձել է մի քանի նման բնակավայրի, որոնք վտանգավոր ու տարօրինակ են ապրելու համար.
ԱՄՆ-ի և Կանադայի սահմանին` Սբ Լավրենտիոս գետում է գտնվում աշխարհի «ամենամենավոր» տունը, որը ջրի տակ անցնելու մշտական վտանգի տակ է։
Սիբիրում գտնվող Վերխոյանսկը համարվում է աշխարհի ամենացուրտ քաղաքը, որտեղ սեպտեմբերից մարտ ընկած ժամանակահատվածում ամեն ինչ սառչում է: Արևի լույսն այստեղ երևում է օրվա մեջ ընդամենը 5 ժամ, իսկ դեկտեմբեր, հունվար ամիսներին արև ընդհանրապես չկա:
58-ամյա ճապոնուհի Տատսուկո Հորիկավան, որքան էլ զարմանալի է հնչում, իր համար որպես բնակության վայր է ընտրել անծանոթ տղամարդու խորդանոցը։ Հետաքրքրական է, որ կինն այնտեղ սնվել, քնել, լոգանք է ընդունել ու ապրել է մոտ 1 տարի։ Պատմությունը բացահայտվել է, երբ տանտերը նկատել է, որ իր գնած սնունդն անհասկանալի պատճառներով անհետանում է։ Երբ նա տնով մեկ տեսահսկման խցիկներ է տեղադրել, գաղտնի հյուրի մասին ճշմարտությունը բացահայտվել է:
Գրենլանդիայի անբարենպաստ պայմաններում` անտանելի ցրտի մեջ ու բևեռային արջերի անմիջական հարևանությամբ, բնակվում է 57 հազար մարդ, որոնք շատ դիմացկուն են նման վայրում ապրելու համար:
Մալդիվները համարվում է երկրային դրախտ, սակայն այս հրաշք վայրը գտնվում է ջրի տակն անցնելու անմիջական վտանգի տակ։ Հետաքրքրական է, որ Մալդիվները ծովի մակարդակից բարձր է ընդամենը 180 սմ-ով, մինչդեռ համաշխարհային օվկիանոսի մակարդակը շարունակում է բարձրանալ:
1974թ. Պորտուգալիայում կառուցված այս տունը գտնվում է 2 հսկայական ժայռաբեկորների միջև: Այն համալրված է հարմարավետ կյանքի համար բոլոր հարմարություններով:
Բնակության համար ամենավտանգավոր վայրերից է ԱՄՆ-ում գտնվող Տորնադոների հովիտը, որտեղ ապրում է մոտ 1 մլն մարդ։ Հետաքրքրական է, որ անցած 100 տարում այստեղով անցել է 120 տորնադո:
1
2
3
4
5
2
3
4
5
1
2
3
4
5
