Ռուսաստանը դատապարտված է պարտության , քանի դեռ այնտեղ շարունակվում է դեսովետիզացիան

Հասկանո՞ւմ եք, անհնար է պայքարել <<Ամերիկայի ու իմպերիալիզմի դեմ>>՝ միաժամանակ սղոցելով այն ճյուղը, որի վրա նստած ես, իսկ այն որ ներկայիս Ռուսաստանը նստած է ԽՍՀՄ-ի ժառանգության վրա՝ ամրագրվաած է անգամ իրավաբանորեն որովհետև հենց Ռուսաստանն է հանդիսանում ԽՍՀՄ իրավահաջորդը։ Եվ երբ ռուսաստանյան էլիտայի լիբերալ թևն անում է ամեն հնարավորն ու անհնար՝ սեփական անցյալը հնարավորինս սևացնելու ու զզվանք առաջացնելու համար դրա նկատմամբ և միևնույն ժամանակ չի առաջարկում բացարձակապես ոչ մի այլ այլընտրանք, դա պարզապես բերում է զանգվածային պրաստրացիայի ու մոլորության, երբ մարդկանց մոտ իսկապես կոգնիտիվ դիսսոնանս է առաջանում։

Ու հա, նորից ու նորից․ ոմանք Պուտինին դարձրել են իսկական սուրբ Մեսսիա, բայց ուզում եմ հիշեցնել, որ արդեն որերորդ անգամ է այս ալիքը բարձրանում և Պուտինը ոչ միայն առաձնաապես չի հակազդում դրան, այլև եթե խորանում ես արմատների մեջ, ապա տեսնում ես, որ ամենասրիկայական քարոզչություն տանող մեդիա ռեսուրսները, ամենասրիկա քաղաքական ու հասարակական գործիչները սերտորեն կապնված են Կրեմլի ու պետական կորպորաացիաների հետ, էլ չասեմ, որ հաճախ ուղղակիորեն ֆինանսավորվում են հենց այդ ռեսուրսներից։

Մի խոսքով, սենց անոռուգլուխ ներքին վիճակով՝ ազդեցություն ու աշխարհաքաղաքական նոր դիրքեր չեն նվաճում և եթե մոտ ապագայում արմատական փոփոխություններ չարվեն, ապա նոր Սառը պատերազմը կավարտվի շատ ավելի շուտ, քան նախորդը և ռուսաստանը փուլ կգա իր իսկ ծանրության տակ։ Ու մեր տեղական մարգինալներին ինչքան էլ հիացնի նման հեռանկարը, պետք է հասկանանք, որ դա մեզ ոչ մի լավ բան չի կարող բերել, քանի որ մենք առավել քան երբևէ, շահագրգռված են հզոր ու ադեկվատ Ռուսաստան լինելու մեջ։