Քաթարը ծախսում է հարյուր միլիոնավոր դոլարներ ԱՄՆ-ում իր քարոզի համար

Washington Free Beacon պարբերականը հրապարակել է հաշվետվություն, ըստ որի՝ Քաթարը ծախսում է հարյուր միլիոնավոր դոլարներ ամերիկացի երիտասարդների շրջանում իր շահերը քարոզելու համար, հաղորդում է RG-ը։

Այսպես, Քաթար հիմնադրամը (QF), որը վերահսկվում է Քաթարի թագավորական ընտանիքի կողմից, 2012 թվականից ծախսել է առնվազն 1.5 միլիարդ դոլար մի շարք կրթական նախաձեռնություններ ֆինանսավորելու համար Ամերիկայի 28 համալսարաններում։

«Կրթության համակարգի ներկայիս դրությունն առաջացնում է իրական մտահոգություն, քանի որ այնպիսի երկրները, ինչպես Քաթարը, Սաուդյան Արաբիան եւ այլ մյուսները, ներդնում են միլիարդներ ամերիկյան համալսարանները ֆինանսավորելու համար։ Հովանավորների շարքում Քաթարի հայտնվելը կարող է անդրադառնալ կրթական ծրագրի վրա, ինչպես նաեւ հակահրեական հարցերում ու հակասեմական ուղղվածությամբ»,-գրում է Washington Free Beacon-ը, եւ «մտահոգություն առաջացնող» երկրների շարքին դասում նաեւ Ռուսաստանին։

«QF-ի կազմակերպած եւ ֆինանսավորած ներխուժումը վերածել է ամերիկյան համալսարաններն ու կրտսեր ու միջին դպրոցների ուսուցիչներին փաստացի Քաթարի կառավարության գործակալների՝ փոխանցելով դրա քաղաքական (հակասեմական) հայացքներն ուսանողներին եւ լայն հանրությանը»,-ասվում է հաշվետվության մեջ։

Խոշոր համալսարանները հրաժարվել են մանրակրկիտ տեղեկատվություն տալ Քաթարի հետ իրենց ֆինանսական հարաբերությունների մասին, ինչը ստիպել է հետազոտական խմբին կոչ անել Թրամփի վարչակազմին անցկացնել սեփական հետաքննությունն այդ հաստատություններում, այդ թվում՝ Հյուսիսային Կարոլինայի եւ Դյուքի համալսարաններում։ Հաշվետվության մեջ ասված է, որ Քաթարը նաեւ ֆինանսավորում է երկրի խոշորագույն ուղեղային կենտրոնները։