«ՀՀ-ն կարող է կապող օղակ դառնալ ԵԱՏՄ-ի ու Իրանի միջև». Բելառուսի դեսպան
Մարինա Ներսեյանը ֆեյսբուքյան իր էջում գրում է.
Բազմիցս հայտարարվել է այն մասին, որ ՀՀ-ն կարող է կապող օղակ դառնալ ԵԱՏՄ-ի ու Իրանի միջև: Այսօր արդեն լրագրողների հետ հարցազրույցի ժամանակ այս մասին է նշել նաև Հայաստանի Հանրապետությունում Բելառուսի արտակարգ և լիազոր դեսպան Իգոր Նազարուկը:
Վերջինս, անդրադառնալով այս տարում ԵԱՏՄ-ի շրջանակներում ՀՀ դերակատարությանը, այն բնութագրել է իբրև շատ կառուցողական: Նա նշել է, որ չի հիշում մի դեպք, երբ Հայաստանն այս կառույցի ներսում ինչ-որ քննարկմանը մասնակցելիս որևէ բացասական ներազդեցություն ունեցած լինի այս կամ այն որոշումը կայացնելիս: Դեսպանը նշել է նաև, որ ԵՄ-Հայաստան ապագա համաձայնագրում արտաքին ապրանքաշրջանառությունը կարգավորող կետերն ունենալու են ընդհանուր ձևակերպումներ, ինչն էլ, անշուշտ, ողջունելի մոտեցում է: ԵԱՏՄ անդամ երկրները պետք է բազմակողմանի և բազմաբովանդակ հարաբերություններ հաստատեն նաև այլ երկրների հետ` չխաթարելով ԵԱՏՄ շրջանակներում առկա պայմանավորվածությունները:
Դեսպանն իր խոսքում հավելել է նաև, որ ճիշտ է` ԵԱՏՄ-ն առաջին հերթին տնտեսական միություն է, բայց նրանք միշտ դիտարկում են ԵԱՏՄ-ն ավելի լայն տեսանկյունից, քանի որ այն ավելի ուժեղ կլինի, երբ կառույցի անդամ երկրների արտաքին կապերն ավելի հզորանան, որից մեծապես կշահեն նաև միության անդամ երկրների տնտեսությունները:
1
2
3
4
5
1
3
4
5
1
2
3
5
