Դիզայներական 5 «տաբու»` փոքր սենյակի համար (լուսանկարներ)
Tert.am-ը գրում է .
Փոքր մակերեսով բնակարանը գրագետ կահավորելու համար անհրաժեշտ է մեծ վարպետություն և դիզայներական որոշ գիտելիքներ։ Տարածքը տեսողական առումով է՛լ ավելի չփոքրացնելու ու ամեն իր ճիշտ վայրում դասավորելու համար պետք է հետևել հստակ կանոնների։
AdMe.Ru կայքն ուշագրավ ֆոտոշարքով ներկայացնում է դիզայներական 5 «տաբու» ` փոքր սենյակի համար: Այլ կերպ ասած՝ տվյալ անդրադարձը պատմում է, թե ինչ չի կարելի անել բնակելի փոքր տարածքներում.
Մեծ ջահ
Թեև այն գեղեցիկ ու շքեղ տեսք ունի, այնուհանդերձ՝ կփոքրացնի առանց այդ էլ փոքր տարածքը։ Ուստի՝ լուսավորման հարցում նախապատվություն տվեք ժամանակակից լուսատուներին:
Մուգ գույներ
Հրաժարվեք մուգ գույներից, քանի որ դրանք «ծանրացնում» են սենյակը։ Նախապատվությունը տվեք նուրբ երանգներին: Ասվածը վերաբերում է ոչ միայն հատակի ու պատերի գույնին, այլև վարագույրների ու կահույքի ընտրությանը։
Անտիկվար կամ ճոխ կահույք
Անվիճելի փաստ է, որ անտիկվար կամ ճոխ կահույքն ունի շքեղ տեսք, սակայն փոքր տարածությունում դրանք անհեթեթ են նայվում։ Հարկավոր է նախապատվությունը տալ մոդեռն ոճի «թեթև» կահույքին, որը կձուլվի ինտերյերի հետ: Բացի այդ, փոքր տարածքը խելացի օգտագործելու համար պետք է գնել ձևափոխվող կահույք: Օրինակ` բազմոց, որը վերածվում է մահճակալի։
Տարբեր գույների համադրություն
Փոքր սենյակի ներքին հարդարանքի համար խորհուրդ չի տրվում 3 գույնից ավելի օգտագործել։ Գունային վառ կոնտրաստները ևս հակացուցված են: Ընտրեք չեզոք գույներ։
Չափից ավելի շատ աքսեսուարներ
Փոքր տարածքը խորհուրդ չի տրվում ծանրաբեռնել շատ պարագաներով, փոխարենը պետք է շեշտը դնել մի քանի վառ դետալի վրա, որոնք կունենան ֆունկցիոնալ կիրառություն և միաժամանակ կգեղեցկացնեն սենյակը:
1
2
3
4
5
1
5
2
3
5
