Բաղադրատոմս. լցոնած հավ
Բաղադրությունը՝ հավ- 1 հատ մեծ սոխ- 2 հատ ձու - 1 հատ, կաթ - 100գ, 4-5 շերտ բոքոն (սպիտակ բուխանկա), աղ, պղպեղ, մշկընկույզ կամ դարչին - ըստ ճաշակի, պահածոյացված ոլոռ (գարոխ) - 100 գր սունկ շամպինյոն - 100գ թթվասեր կամ մայոնեզ
Պատրաստման եղանակը՝ Հավը լվանալ, բոքոնը թրջել կաթի մեջ և քամել: Հավի կաշին զգուշությամբ հանել, փորձելով չվնասել այն: Եթե հանկարծ վնասվի, կարելի է այն թելով կարել: Հավի թևերին ձեռք չտալ: Հավի կաշին կարող եք հանել բարակ դանակով կամ ձեռքերով: Հավի միսը առանձնացնել ոսկորներից: Մսաղացով աղալ: Տապակել սոխը, մինչև ստանա ոսկեգույն տեսք, ավելացնել սունկը, տապակել սոխի հետ: Հավի խճողակին ավելացնել սոխը սնկի հետ, ձուն, աղը, պղպեղը, ընկույզը, ոլոռը, մանրացրած հացը և լավ խառնել: Ստացված խառնուրդը լցոնում ենք հավի կաշվի մեջ և կարում թելով: Հավի վրա քսել թթվասեր կամ մայոնեզ և դնել ջեռուցի մեջ: Ցանկալի է հավի տեղը նեղ լինի ջեռուցի տապակի մեջ, որպեսզի այն չսողա: Եփել, կախված հավի չափերից, մոտ 1 ժամ 180 աստիճանի տակ: Պարբերաբար հավի վրա լցնել ջուրը, որը դուրս է տվել հավը եփելու ընթացքում:
Կտրատել սառչելուց հետո և մատուցել:
1
2
3
4
5
1
5
2
3
4
5
