Սոսկալի ողբերգություն Փարիզում

Մամուլի Խոսնակը ֆեյսբուքյան իր էջում գրում է .

Սոսկալի ողբերգություն Փարիզում. 6 շրջաններում իրականացված ահաբեկչության հետևանքով 150-ից ավելի մարդ է զոհվել

Այսօր կեսգիշերն անց ողբերգական դեպքեր են գրանցվել Ֆրանսիայի մայրաքաղաքում: «Իսլամական պետություն» ահաբեկչական խմբի ներկայացուցիչները ահաբեկչություններ են իրականացրել Ֆրանսիայի մայրաքաղաքի 6 շրջաններում: Սարսափելի ողբերգության հետևանքով, նախնական տվյալներով, զոհվել է 153 մարդ կան բազմաթիվ վիրավորներ:
Փարիզի ոստիկանության տվյալներով, ահաբեկչություններ են գրանցվել «Բատակլան» համերգասրահում, որտեղ ընթացքող համերգի շուրջ 100 մասնակից է զոհվել, այդ թվում՝ ելույթ ունեցող ռոք խմբի անդամները: Ահաբեկչություններ են եղել նաև Հանրապետության հրապարակի մոտ գտնվող կամբոջական ռեստորանում, Բաստիլի հրապարակի մոտ։ Երեք նռնակ պայթեցրել են Stade de France մարզադաշտի մոտ, որտեղ միջադեպի պահին ընթանում էր Ֆրանսիայի և Գերմանիայի հավաքականների ընկերական հանդիպումը։ Խաղին ներկա է եղել նաև Ֆրանսիայի նախագահ Ֆրանսուա Օլանդն, ում անհապաղ տարհանել են:

Իրավապահների ջանքերով՝ 8 ահաբեկիչ է սպանվել: CNN-ը՝ վկայակոչելով իր աղբյուրները, նշել է, որ «Իսլամական պետություն» ահաբեկչական խմբավորումն է ստանձնել Փարիզում կատարված ահաբեկչությունների շարքի պատասխանատվությունը։ Ականատեսների վկայությամբ՝ նրանք ասել են, թե ահաբեկչությունների միջոցով փորձում են վրեժ լուծել Սիրիայում կատարվածի համար: 
Հավելենք, որ Ֆրանսիայում արտակարգ դրություն է հայտարարվել: Ֆրանսուա Օլանդը չեղարկել է G20 գագաթաժողովին իր մասնակցությունը: