Իր գեղեցկությամբ նա գրավել է ամբողջ աշխարհը. ո՞վ է Ալիսա Փանիկյանը (լուսանկարներ)

Wnews.am-ը գրում է.

Wnews.am-ը շարունակում է ներկայացնել աշխարհահռչակ հայուհիներին։ Այս անգամ ներկայացնում ենք կանադացի հայտնի մոդել, լրագրող, ինչպես նաեւ «Միսս Տիեզերք 2006» մրցույթի մասնակից Ալիսա Փանիկյանին։

Ալիսա Փանիկյանը ծնվել է 1985թ մայիսի 23-ին Սոֆիայում հայ-բուլղարական ընտանիքում։
Երբ նա հինգ տարեկան էր, Փանիկյանների ընտանիքը տեղափոխվեց Տորոնտո, որտեղ էլ ավարտել է համալսարանի լեզվաբանական բաժինը։
Որոշելով որ դա բավարար չէ, նա իր կրթությունը շարունակել է Օնտարիոյի Վիլյամ Լիոն Մաքքենզիի անվան համալսարանում։

«Երբ տեղափոխվեցի Օնտարիո, ծնողներս դժգոհում էին, նրանք գտնում էին, որ մի կրթությունը բավարար է եւ պետք է մտածել անձնականի մասին, սակայն ես երազում էի դառնալ հաղորդավարուհի եւ եթե այդ քայլին չգնայի, երբեք ինձ չէի ների»,- պատմում է Փանիկյանը։

Ստանալով ռադիոլրագրողի կրթություն, Ալիսան հայտնվեց Կանադայի հայտնի հեռուստաալիքներից մեկում. CTV Two։ Իրականացավ նրա վազեղմի երազանքը. նա հասավ հաջողության եւ դարձավ ամենահայտնի հեռուստա եւ ռադիոհաղորդավարուհիներից մեկը։
Փանիկյանի հայտնիության մասին շշուկները չէին դադարում, բոլորը խոսում էին նրա գեղեցկության մասին, որից խելքահան էին լինում տղամարդիկ։ Տեղական լրատվամիջոցների այդչափ հետաքրքրությունից հետո անմիտ կլիներ Ալիսային չառաջարկել փորձել իրեն մոդելային ասպարեզում, ինչն էլ տեղի ունեցավ։

«Ես միշտ ստացել եմ այն, ինչ ցանկացել եմ։ Հասնելով մի նպատակի, գտել եմ մեկ ուրիշը եւ վստահորեն գնացել դեպի այն։ Երբ խոսք գնաց մոդելային բիզնեսի մասին, ես ինձ ասացի. այո, պետք է փորձել, իսկ ինչու՞ ոչ։ Հենց այդպես էլ սկսեցի աշխատել Icon Models-ում», ասում է գեղեցկուհին։

Հասնելով հերթական նպատակին եւ դառնալով պրոֆեսիոնալ մոդել, Ալիսան առաջարկ ստացավ մասնակցել «Միսս Տիեզերք 2006» մրցույթին։ Նա ոչ մի րոպե չկասկածելով իր հաջողության վրա, ուղեւորվեց Լոս Անջելես։

Նա «Միսս Տիեզերք»-ի տիտղոսի ամենահավանական թեկնածուներից էր, սակայն զբաղեցրեց վեցերորդ տեղը։

Նա արժանացավ «Միսս Ֆոտոգենիկ» եւ «Լավագույն լողազգեստ» մրցանակներին։Այդ պահից սկսած նա առաջարկներ ստացավ բազմաթիվ հեղինակավոր ամսագրերի, հեռուստաընկերությունների եւ նորաձեւության տների կողմից։ Համագործակցելով նրանց հետ, Ալիսան դարձավ բարձր վարձատրվող մոդել եւ մտավ կյանքի նոր փուլ։

Նկատենք, որ 2007թ. Ալիսային կրկին առաջարկեցին մասնակցել Miss International մրցույթին, սակայն նա անհասկանալի պատճառներով հրաժարվեց։
Այսօր Ալիսան համարվում է մասնավոր մոդել եւ Avakian զարդերի ներկայացուցիչը։ Բացի մշտական նկարահանումներից, գովազդներից եւ հեռուստահաղորդումներից, գեղեցկուհին ուսումնասիրում է պոեզիա, զբաղվում վոլեյբոլով ու յոգայով։

Նրա կարծիքով, ինքնավստահությունը պահպանելու համար պետք է զբաղվել նրանով, ինչ, պահանջում է մարմինը, մտքերն ու ամենակարեւորը սիրտը։