Ահազանգ ստացա, որ ՃՈ աշխատակիցները կանգնեցրել են ՍԴ աշխատակազմի ղեկավարի ավտոմեքենան. Ռուբեն Մելիքյան
ՀասարակությունԱհազանգ ստացա, որ Պռոշյան փողոցի վրա ՃՈ աշխատակիցները կանգնեցրել են ՍԴ աշխատակազմի ղեկավարի ավտոմեքենան և փաստացի զրկել են նրան տեղաշարժման ազատությունից։ Այս մասին Ֆեյսբուքի իր էջում գրել է իրավապաշտպան Ռուբեն Մելիքյանը։
«Այն պահին, երբ Արգիշտի Կիվիրյանի հետ հասանք դեպքի վայր, ՃՈ աշխատակիցներն արդեն «վերադարձնում էին» Էդգար Ղազարյանի տեղաշարժման ազատությունը՝ առանց որևէ փաստաթղթավորման», գրել է Ռուբեն Մելիքյանը։
Ըստ Ռուբեն Մելիքյանի՝ ՍԴ աշխատակազմի ղեկավարին կանգնեցնելու և որոշ ժամանակով տեղաշարժման ազատությունից զրկելու պատճառաբանությունը, մեղմ ասած, համոզիչ չէր։
Հիշեցնենք, որ ավելի վաղ NEWS>am-ը հաղորդել էր, որ Բաղրամյան պողոտայում ոստիկանները հունիսի 25–ի ուշ երեկոյան ցանկացել են բերման ենթարկել Սահմանադրական դատարանի աշխատակազմի ղեկավար Էդգար Ղազարյանին, ընդ որում` ապօրինի, ինչի մասին Tert.am-ի հետ զրույցում ասել է փաստաբան Միհրան Պողոսյանը։
«Ապօրինի կերպով ոստիկանները կանգնացրել են Էդգար Ղազարյանի մեքենան և ցանկանում են նրան բերման ենթարկել։ Այս ամենը պայմանավորված է նրանով, որ Բարգավաճ Հայաստանը սահմանադրական փոփոխությունները վիճարկող դիմում է մուտք արել ՍԴ, իսկ իշխանությունն անցել է գործողությունների»,– ասել է նա՝ նշելով, որ գնում է դեպքի վայր։
Փաստաբանի խոսքով՝ սա ճնշում է և ապօրինի գործողություն, որն իշխանությունը կատարում է ՍԴ աշխատակցի նկատմամբ։ Ավելի ուշ Միհրան Պողոսյանը հավելել էր, որ Էդգար Ղազարյանին բերման չեն ենթարկել։
1
2
3
4
5
1
2
3
4
5
1
2
5
