Փաշինյանը շնորհավորական ուղերձ է հղել Լուկաշենկոյին՝ Անկախության օրվա առթիվ
Վարչապետ Նիկոլ Փաշինյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին՝ երկրի Անկախության օրվա կապակցությամբ:
«Հարգելի Ալեքսանդր Գրիգորիի,
սրտանց շնորհավորում եմ Ձեզ եւ Բելառուսի Հանրապետության բոլոր քաղաքացիներին պետական գլխավոր տոնի` Անկախության օրվա առթիվ:
Մաղթում եմ ձեզ հաջողություններ եւ նոր ձեռքբերումներ երկրի տնտեսական, սոցիալական եւ գիտատեխնիկական զարգացման եւ միջազգային ասպարեզում նրա հեղինակության բարձրացման գործում:
Խորհրդանշական է, որ այսօր Բելառուսը նշում է երկիրը ֆաշիզմից ազատագրելու օրը: Մեր երկրների ժողովուրդների բարեկամությունը, որն ավելի է կոփվել Հայրենական մեծ պատերազմի տարիներին, մեզ պարտավորեցնում է շարունակել ձեւավորված ավանդույթները եւ ընդլայնել փոխշահավետ գործընկերությունը: Վստահ եմ, որ այսուհետ եւս, Երեւանի եւ Մինսկի համակարգված գործողությունների շնորհիվ, հայ-բելառուսյան միջպետական համագործակցությունը կբարձրանա որակապես նոր մակարդակի:
Հարգելի Ալեքսանդր Գրիգորիի,
մաղթում եմ Ձեզ քաջառողջություն եւ հաջողություններ բոլոր նախաձեռնություններում, իսկ Բելառուսի Հանրապետության բարեկամ ժողովրդին՝ խաղաղություն, կայունություն եւ բարգավաճում», - նշված է վարչապետ Փաշինյանի ուղերձում:
1
2
3
4
5
3
4
5
2
3
4
5
