Հայոց ցեղասպանության 100-րդ տարելիցին նվիրված ցուցահանդես Լեհաստանի Խելմ քաղաքում
Blog
Լեհաստանի Հանրապետությունում Հայաստանի Հանրապետության արտակարգ և լիազոր դեսպան Էդգար Ղազարյանը Ֆեյսբուքյան իր էջում գրում է.
Նոյեմբերի 15-ին Լեհաստանի Խելմ քաղաքում պաշտոնապես բացվեց Լեհաստանում բնակվող հայ գեղանկարիչ Հովհաննես Ղազարյանի «Վերածնունդ» խորագրով անհատական ցուցահանդեսը, որը կազմակերպվել է Լեհաստանում Հայաստանի դեսպանության հովանու ներքո: Հովհաննես Ղազարյանի ստեղծագործական գործունեության 30-ամյակի տարում բացված ցուցահանդեսը հեղինակը նվիրվել էր Հայոց ցեղասպանության 100-րդ տարելիցին:
Ցուցահանդեսի բացման պաշտոնական արարողությանը մասնակցեցին Լեհաստանում ՀՀ դեսպան Էդգար Ղազարյանը, Խելմի և հարակից բնակավայրերի համայնքների տեղական իշխանությունների ներկայացուցիչներ, համայնքների ղեկավարներ, արվեստի, գրականության գործիչներ, հեղինակավոր մտավորականներ, լրագրողներ և այլն:
Ի հիշատակ Փարիզում տեղի ունեցած ահաբեկչության անմեղ զոհերի` միջոցառումը մեկնարկեց մեկ րոպե լռությամբ: Դեսպան Ղազարյանն իր ելույթում շնորհակալություն հայտնեց Հովհաննես Ղազարյանին նրա ստեղծագործական բազմամյա գործունեության հոբելյանական ցուցահանդեսը իր ժողովրդին և նրա 100-ամյա ողբերգության տարելիցին նվիրելուն: Դեսպան Ղազարյանը շնորհակալությամբ նշեց, որ լեհ ժողովուրդը մշտապես եղել է հայ ժողովրդի կողքին` հիշեցնելով նաև, որ Լեհաստանի Սեյմը դեռ 2005 թվականին ճանաչել և դատապարտել է Հայոց ցեղասպանությունը:
Գեղանկարիչ Հովհաննես Ղազարյանը, իր հերթին, նշեց, որ այս ցուցահանդեսը Հայոց ցեղասպանության 100-րդ տարելիցին նվիրելով, նա փորձել է իր համեստ ավանդը բերել այս տարի ողջ աշխարհում տեղի ունեցած հազարավոր միջոցառումների կազմակերպման և ցեղասպանության Սուրբ նահատակների ոգեկոչման հայրենանվեր և մարդասեր գործին: Նա նաև շնորհակալություն հայտնեց Լեհաստանում ՀՀ դեսպանությանը ցուցահանդեսի հովանավորության, ինչպես նաև ցուցահանդեսի բացմանը դեսպանի մասնակցության համար:
1
2
3
4
5
1
2
3
4
5
2
3
