Սահմանապահ գյուղերում կհատակագծվեն նոր ճարտարապետական ոճով թաղամասեր. Փաշինյանը մանրամասներ հայտնեց փակ նիստից
ՀասարակությունԿառավարության նախորդ նիստի դռնփակ հատվածում մենք քննարկում ունեցանք եւ առանց մանրամասնելու բովանդակությունը ասեմ, որ եկանք այն եզրակացության, որ մենք սահմանապահ գյուղերում վարվող քաղաքականության հայեցակարգային փոփոխություն պետք է իրականացնենք: Այս մասին, այսօր՝ հուլիսի 23-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Այդ փոփոխությունը հետեւյալն է. կարող էր տպավորություն ստեղծվել, որ կա կոնտեքստ, որ այդ գյուղերը միեւնույն է, գտնվում են գնդակոծման ուղիղ նշանառության տակ հետեւաբար, այնտեղ տեղի ունեցող վերականգնման աշխատանքները արվում են մի փոքր այս տրամաբանությամբ:
Մենք պետք է տրամաբանությունը փոխենք: Սահմանապահ գյուղերը պետք է ոչ թե եւ ոչ միայն ուղղակի վերականգնվեն, այլ մենք պետք է ունենանք այդ բնակավայրերի զարգացման կոնկրետ քաղաքականություն, ռազմավարություն: Մենք պետք է արձանագրենք, որ սահմանապահ գյուղերում Հայաստանը ոչ թե ավարտվում է, այլ այդ գյուղերից Հայաստանը սկսվում է: Ինչպես ընդունված է ասել, որ սահմանային անցակետերից է սկսվում երկրի մասին առաջին տպավորությունը, նույն տրամաբանությունը պետք է իրականացնենք սահմանապահ գյուղերում: Մեր երկրի մարտունակության, մրցունակության ամենակարեւոր ցուցիչը պետք է լինի սահմանապահ գյուղերում իրականացվող քաղաքականությունը»,-ասաց վարչապետը:
Նա նկատեց, որ դա 1-2 օրում տեղի չի ունենա, երկարատեւ ժամանակ պահանջող գործընթաց է, բայց սահմանապահ գյուղերի բնակիչները այս ոգին, այս տրամադրությունը, գործելակերպը պետք է զգան եւ դա պետք է սկսվի օր առաջ: «Մենք դրա վերաբերյալ արդեն մի քանի քննարկումներ ունեցել ենք: Իմ խորհրդականն է արդեն 10 օր գտնվում այնտեղ: Քաղաքաշինության կոմիտեի ղեկավարի պաշտոնակատար Արմեն Ղուլարյանն է մեկնել տեղում իրավիճակին ծանոթանալու: Մարդը այդ գյուղերում ոչ միայն պետք է ապրի, այլեւ ունենա զբաղմունք, եկամտի աղբյուր, ունենա աշխատանքով բարեկեցություն կառուցելու հնարավորություն»,-ասաց Փաշինյանը:
Արմեն Ղուլարյանն իր հերթին նշեց, որ այս պահին այդ գյուղերում արդեն 7 տան վերականգնման աշխատանքներն ընթանում են: Նրա խոսքով, օրինակ Չինարիում կա մի տուն, որտեղ ապրում է 10 հոգանոց ընտանիք՝ 5 երեխաներով, եւ նախընտրելի է, որ նոր տուն կառուցվի տան հողամասի տարածքում: աշխատանքները այդտեղ կկարողանան սկսել արդեն օգոստոսի 10-ից:
«Մենք առաջարկել ենք համայնքի ղեկավարին, որ նախաձեռնի եւ սկսի հողահատկացման աշխատանքները, որտեղ մենք պետք է հատակագծենք նոր ազգային ճարտարապետական ոճով թաղամասեր, եւ քննարկենք, թե որ կարիքավոր խմբերին դրանք կհատկացնենք»,-ասաց նա:
Փաշինյանն էլ հավելեց, որ խոսքը այն տների մասին է, որոնք հրետակծության արդյունքում ավերվել են եւ հնարավոր չէ դրանք վերականգնել. «Պետությունն իր միջոցներով դրանք պետք է վերականգնի: Ըն որում նկատի չունենք սովորական վերականգնում, այլ սեփականատիրոջ համաձայնությամբ այդ տարածքն ամբողջությամբ մաքրվի, ձեւավորվի բոլորովին այլ միջավայր, նոր ճարտարապետությամբ, ցանկապատով, այգում եւս որոշակի աշխատանքներ կիրականացնենք»:
Նա հավելեց, որ լրիվ ավերված երեք տներից միայն մեկում էին մարդիկ ապրում. «Մյուս երկուսի դեպքում կփոխհատուցենք սեփականատերերին»:
1
2
3
4
5
3
4
5
1
2
3
4
5
