Ամուլսարի շուրջ բորբոքված կրքերը չեն հանդարտվում, այսօր կրկին ինքնաբուխ հավաք է լինելու
Ուշադրության կենտրոնում
Այն, որ Ամուլսարի պահապանները ստիպված են անհավասար պայքար մղել հանուն իրենց բնակավայրի՝ էկոլոգիան թունավորումից փրկելու՝ որևէ մեկի համար էլ գաղտնիք չէ: Այլևս ակնհայտ է նաև, որ վերջին շրջանում «Լիդիան Արմենիա» ընկերության կողմից վարձված պահնորդական նոր խումբը սկսել է բավականին ագրեսիվ պահել իրեն: Ուշագրավ է, սակայն, որ այդ անհավասար պայքարն այդպես էլ չի հանգուցալուծվում և արդեն կա Ջերմուկի երեք ձերբակալված քաղաքացի:
Ամուլսարի պահապաններից Շիրակ Բունիաթյանը Pressmedia.am-ի հետ զրույցում նշեց, որ կալանավորվածները տեղափոխվել են Երևան և այս պահին նրանց մեղադրանք է առաջադրվում։ «Մենք երբեք էլ չենք խրախուսել ոչ մի բռնություն, բայց նաև չենք կարող հանդուրժել խտրական վերաբերմունքը, բայց խտրական վերաբերմունք է, երբ մոտ մեկ տարի առաջ Գնդեվազ գյուղում քաշքշուկի հետևանքով կալանավորվեցին Ջերմուկ համայնքի երեք երիտասարդներ, երբ Լիդիանի պահնորդները մի քանի տասնյակ անձանցով ծեծի են ենթարկում Ջերմուկի բնակչին ու նրան օգնության հասած ոստիկանին և դա մինչ այժմ չի արժանանում իրավական գնահատականի։ Մենք այս հարցն այսպես չենք թողնելու և պահանջելու ենք, որ դեպքի բոլոր մասնակիցների հանդեպ հավասար վերաբերմունք դրսևորվի»,- ասաց Շ. Բունիաթյանը: Նա նաև տեղեկացեց, որ այսօր ինքնաբուխ հավաքվելու են իրենց ընտանիքներով ժամը 17։00-ից սկսած՝ Ջերմուկի տաքսիների կանգառում՝ իրենց աջակցությունը հայտնելու համար կալանավորված քաղաքացիներին։
Անի Սիմոնյան
1
2
3
4
5
1
4
5
1
2
3
5
