Ի՞նչ արվում կորոնավիրուսի ցուցանիշները նվազեցնելու համար
ՎերլուծությունԿորոնավիրուսի տարածումը այլևս կանխելու կարիք չկա՞: Այս հարցը թերևս սահմանային իրավիճակին հաջորդող և ոչ պակաս կարևոր հարց է, որը հուզում է բնակչությանը: Մեկ շաբաթում CIVID-19-ը վարակվածության ցուցանիշով երեք ռեկորդ սահմանեց՝ հասնելով 1836-ի:
Pressmedia.am-ը ռեկորդային ցուցանիշներ գրանցելու յուրաքանչյուր օր անդրադառնում է խնդրին՝ հորդորելով բնակչությանն ավելի զգոն լինել, պահպանել հակահամաճարակային կանոնները՝ ախտահանել ձեռքերը, պահպանել սոցիալական հեռավորություն, և որ ամենակարևորն է՝ կրել դիմակ:
Իրապես հետաքրքրական է՝ պատկան մարմինները տեղյա՞կ են կորոնավիրուսի ցուցանիշներից: Բնական է և հասկանալի, որ առողջապահությունը գերծանարաբեռնված է, զբաղված է վիրավոր զինվորներին օգնություն ցուցաբերելով, սակայն ցավալի է նշել, բայց կորոնավիրուսից ՀՀ-ում մահվան ցուցանիշը գերազանցում է ռազմի դաշտում ընկածներին: Բնականաբար դրանք համեմատելի չեն բարոյական որևէ սանդղակով, բայց ռազմավարական առումով` բնաչկության մահ է արձանգրվում:
Կորոնավիրուսի տարածումը կանխելու համար ոլորտի պատասխանատուն ամիսներ շարունակ կաթվածահար արեց տնտեսությունը, 5 ամիս երկրում արտակարգ դրություն էր, ներկայումս էլ կարանտին, դեռ ոլորտներ կան, որոնց վերականգման համար մեկ տարուց ավելի ժամանակ է հարկավոր, որոշներն էլ այևս գոյություն չունեն: Ինչու՞ հիմա այդ նորմերի պահպանումը որևէ ուշադրության չի արժանանում, ասենք՝ տեսչական մարմնի աշխատակիցների զբաղվածության գրաֆին ինչո՞վ է փոփոխվել և այլն:
Եթե հիմա դրա կարիքը չկա, ապա ինչու՞ ամիսներ առաջ կար և անհրաժեշտ էր: Ինչու՞ առողջապահական համակարգի բեռը նվազեցնելու համար չի սահմափակվում մարդկանց տեղաշարժը: Մի ուշագրավ փաստ էլ. երբ հուլիսին երկրում գրանցվում էր մոտ 800 և երբեմն ավելի ցուցանիշներ՝ առողջապահական գրեթե բոլոր կառույցները լծված էին այդ գործին, և նախարարը նույնիսկ այդ դեպքում հայտարարում էր, որ կան պացիենտներ, որոնք սպասում են հոսպիտալացման իրենց հերթին, իսկ հիմա՞: Գուցե կարիք կա վերաբացելու մոտ 1,5 ամիս առաջ փակված որոշ COVID կենտրոններ: Այս պահին չեն գործում, սակայն 1,5 ամիս առաջ ակտիվ աշխատում էին Արաբկիր ԲԿ-ի նորակառույց հատվածը, չկա Էրեբունի ԲԿ-ի COVID-ի հատվածը, փակվել են Գյումրու, Սպիտակի կենտրոնները, և ևս մի քանի հաստատություններ:
Այս ամենի ֆոնին նախարարը տեսուղերձով զգուշացրեց, որ չվարակվեն, այլապես…
Աննա Ավետիսյան