Ըստ Բայդենի՝ ԱՄՆ-ն պետք է պայքարի աշխարհում բռնատիրական վարչակարգերի դեմ
Վերլուծություն
Pressmedia.am կայքը զրուցել է թուրքագետ Հակոբ Չակրյանի հետ` օրեր առաջ Չավուշօղլուի` Հայաստանի հետ հարաբերությունները կարգավորելու հայտարարության մասին, ինչպես նաև ԱՄՆ-Թուրքիա հարաբերությունների մասին։
— Պարոն Չակրյան, ԱՄՆ-ում փոխվեց վարչակազմը։ Իշխանության է եկել Ջո Բայդենը։ Ի՞նչ զարգացումներ են հնարավոր ԱՄՆ-Թուրքիա հարաբերություններում։
— Ըստ երևույթին, ընտրություններում Բայդենի նախագահական հաղթանակի արձագանքը այն է, որ մինչև հիմա Մեծ Բրիտանիան ատամներով պաշտպանում էր Թուրքիային, իսկ հիմա, երբ հայտնի դարձավ Բայդենի հաղթանակը՝ Մեծ Բրիտանիան փոխեց իր դիրքորոշումը և սկսեց հակաթուրքական հայտարարություններ տարածել։ Ըստ երևույթին և Էրդողանը, և Պուտինը խիստ անհանգստացած են Բայդենի ընտրությամբ, որովհետև նախքան վերջնական արդյունքների հայտնի դառնալը նա ասել է, որ ԱՄՆ-ի արտաքին քաղաքականության առաջնահերթությունը Եվրամիության հետ տակն ու վրա եղած հարաբերությունների կարգավորումն է, ինչպես նաև՝ ԱՄՆ-ն պետք է պայքարի աշխարհում բռնատիրական վարչակարգերի դեմ։ Այդ վարչակարգերից առաջինը Էրդողանի վարչակարգինն է, իսկ երկրորդ տեղում Պուտինի վարչակարգն է, ում դեմ, ըստ երևույթին, նա պետք է պայքարի։ ԱՄՆ սենատում կա Էրդողանի, նրա ընտանիքի անդամների և մի շարք պաշտոնյաների ունեցվածքը կալանքի տակ վերցնելու բանաձև, ինչպես նաև Թուրքիայի դեմ պատժամիջոց կիրառելու բանաձև։ Վերջին շրջանում ԱՄՆ-ում շատ են խոսում ռուսական տրիլիոնի դեմ պայքարելու մասին և կոնգրես է ներկայացվել չորս բանաձև, իսկ այդ բանաձևները ամբողջացվեն մի բանաձևի տակ և, ամենայն հավանականությամբ, կհաստատվի։ Նամանավանդ, ԱՄՆ-ն առաջին անգամ իր պատմության մեջ Ռուսաստանին անվանեց ոչ թե հակառակորդ, այլ գլխավոր թշնամի։ Բացի այդ, Թրամփը իր հիմնական շեշտադրումը դնում էր Չինաստանին ճնշելու վրա, իսկ Բայդենը հայտարարել է, որ ցանկանում է բարելավել հարաբերությունները Չինաստանի հետ, հավանաբար, մասամբ նաև՝ բարելավել Իրանի հետ և հարվածը հիմնականում ուղղել ընդդեմ Ռուսաստանի։ Եվ այս հանգամանքը պետք է անհանգստացրած լինի ինչպես Էրդողանին, այնպես էլ Պուտինին։ Իսկ Լավրովի երեկվա հարցազրույցն էլ դրա արձագանքն է։
— Օրեր առաջ Չավուշօղլուի կողմից նաև ուղիղ հայտարարություն եղավ Հայաստանի հետ հարաբերությունները կարգավորելու համար։ Մենք ինչպե՞ս պետք է սրան արձագանքենք։
— Եթե ուզում է կարգավորել Հայաստանի հետ հարաբերությունները՝ թող կարգավորի։ Հայաստանը չի շրջափակել Թուրքիային, այլ Թուրքիան է շրջափակել Հայաստանին և ինչ ստորություն ասես անում է Հայաստանի դեմ։ Նաև այս պատերազմի սկզբում Էրդողանը հայտարարեց, որ այս պատերազմին ներգրավվելու իր նպատակը 1915 թվականի երիտթուրքերի գործը ավարտին հասցնելն է։ Այսինքն, նա հայ ժողովրդին կրկնակի ցեղասպանության ենթարկելու մտադրություն ունի և այդ մասին հայտարարում է բացեիբաց։ Մարդկության դեմ հանցագործություն է և դատապարտման է արժանի ոչ միայն ցեղասպանություն գործելը, այլ նաև այդ մասին քարոզելը։ Ըստ ՄԱԿ-ի ցեղասպանությունների դեմ կանխարգելման և պատժման կոնվենցիայի՝ Թուրքիան մարդկության դեմ հանցագործություն է կատարում։
Անի Սիմոնյան
1
2
3
4
5
1
4
5
1
2
3
5
