Ադրբեջանը ոչնչացրել է հայկական ՀՕՊ համակարգերը Մի-17 ուղղաթիռների օգնությամբ
ՎերլուծությունAvia.pro-ն գրում է, որ չնայած այն հանգամանքին, որ ավելի քան վեց ամիս է անցել Ղարաբաղում զինված հակամարտության ավարտից հետո, հայտնի է դարձել, որ Լեռնային Ղարաբաղի հանրապետության և Հայաստանի ՀՕՊ համակարգերը լուրջ վնասներ են կրել ադրբեջանական Մի -17 ուղղաթիռների պատճառով:
Ըստ որոշ տվյալների` Ադրբեջանի ռազմաօդային ուժերի Մի -17 ուղղաթիռները օգտագործել են կախովի կոնտեյներներ իսրայելական Spike-NLOS հրթիռներով, որոնք ուղղորդվել են Հայաստանի և ԼՂՀ-ի հակաօդային պաշտպանության համակարգերի վրա կամ ռադարային ազդանշանով կամ անմիջապես բազմաթիվ անօդաչու թռչող սարքերով, ինչը հնարավորություն է տվել առանց ՀՕՊ հարվածներին ենթարկվելու վտանգի քողարկված հարվածներ հասցնել: Այդ մասին տեղեկատվությունը հայտնվել է այն բանից հետո, երբ ադրբեջանական զինուժը հրապարակել է տեսանյութեր, որոնք վերաբերվել են ինչպես անօդաչու, այնպես էլ կառավարվող ավիացիայի մասնակցությամբ ընթացող զորավարժություններին:
Դրվագներից մեկում երևում է, որ Մի -17 ուղղաթիռը հագեցած է իսրայելական արտադրության նման հրթիռներով, և, ակնհայտորեն, Ադրբեջանը գերադասել է օգտագործել նման մարտավարություն այն բանից հետո, երբ այդ հրթիռային համակարգերը ժամանակին հաջողությամբ հարվածներ են հասցրել Սիրիայի հակաօդային պաշտպանության համակարգերին և ռադարներին:
Նշենք, որ, վերլուծաբանների կարծիքով, թուրքական անօդաչու թռչող սարքերը բավականին քիչ են օգտագործվել Ղարաբաղի զինված հակամարտության ժամանակ, նրանք ավելի շուտ կատարել են հետախուզական աշխատանքներ, իրականացրել կրակի ճշգրտում և ղեկավարել հայկական բանակի և ԼՂՀ ուժերի դիրքերի վրա հրթիռների արձակումը:
Արմեն Սիմոնյան
Pressmedia.am