Արցախից կլինի ոչ միայն Արցախի, այլ նաև Հայաստանի փրկությունը
Վերլուծություն
«Ոչ մի իշխանություն իրավունք չունի խաղաղության պատրվակով Արցախի համար անընդունելի կարգավիճակի ինչպես նաև միջազգայնորեն ճանաչված ինքնորոշման իրավունքի բանակցային նշաձողն իջեցնելու»,- Արցախի Հանրապետության Ազգային ժողովն է երեկ արտահերթ նիստից հետո այս արձանագրումն արել՝ հստակ պահանջներ ներկայացրել Հայաստանի դավադիր և ապիկար իշխանություններին՝ չհանձնել արցախահայությանը։
Արցախի Ազգային ժողովում նաև դրանից առաջ նախագահ Արայիկ Հարությունյանի հանդիպումներում, կարմիր գծի պես անցնում է այն պնդումը, որ Հայաստանի գործող իշխանությունները հանձնում են Արցախը Ադրբեջանին, ընդ որում առանց հետագա կարգավիճակի մասին նույնիսկ բանակցելու, պայմանավորվածությունների հանգելու։ Ըստ էության, տասնյակ հազարավոր արցախցիներ մնալու են առանց տան, առանց գոյատևման միջոցների, թշնամու հետ դեմ հանդիման։ Իսկ փաշինյանական իշխանությունը բացարձակապես որևէ ցանկություն չունի օգնելու նրանց։ Խայտառակ այս իրավիճակը ստեղծվել է միայն մեկ պատճառով, միակ պատասխանատուն ու մեղավորը Նիկոլ Փաշինյանն է։
«Պահանջում ենք, որ Հայաստանի իշխանությունները հրաժարվեն իրենց ներկայիս աղետալի դիրքորոշումից և առաջնորդվեն միայն հայանպաստ արժեքներով»,- պնդում են հուսահատության հասած արցախցիները։ Փաշինյանական իշխանությունը թեպետ որևէ ցանկություն չունի անսալու նրանց ձայնը։ 1988 թվականին էլ ոչ պակաս օրհասական իրավիճակում արցախցիները ոտքի կանգնեցին, կարողացան առաջ տանել իրենց պայքարը, ստիպեցին Հայաստանին և հայ ժողովրդին ոտքի կանգնել, պայքարել հանուն Արցախի և հանուն Հայաստանի Հանրապետության։ 30 տարի անց կրկին կանգնել ենք նույն ջրբաժանի առջև. կորցնել պետականությունը, կորցնել Արցախը, թե ի վերջո ոտքի կանգնել և մինչև վերջ պայքարել հանուն մեր սեփական գոյության։ Եվ այժմ, գոնե շանս կա, որ Արցախից կլինի ոչ միայն Արցախի, այլ նաև Հայաստանի փրկությունը։ Կհաջողվի հեռացնել գործող իշխանություններին, ուշքի բերել Հայաստանի Հանրապետության թմրած ժողովրդին, ոտքի կանգնել և պաշտպանել հայրենյաց հողը և մի վերջին կտոր պետականությունը։ Այլապես, բացառապես թշնամիններով շրջապատված մեր երկիրը դատապարտված է լինելու վերջնական ձախողման և նոր ցեղասպանության։
Սամսոն Հակոբյան
1
2
3
4
5
1
4
5
1
2
3
5
