Արցախի իրողությունների ֆոնին կրկին թիրախավորում են Ռուբեն Վարդանյանին

Արցախում ստեղծված չափազանց ծանր քաղաքական իրավիճակի ֆոնին նույնիսկ Արցախի իշխանությունները և որոշ քաղաքական ուժեր չեն դադարում իրենց սլաքներն ուղղել նախկին պետնախարար, գործարար Ռուբեն Վարդանյանի ուղղությամբ՝ պարզ գիտակցելով, որ Ռուբեն Վարդանյանի պաշտոնանկությունից հետո անգամ Ադրբեջանի ագրեսիվ պահվածքը և գրեթե պատերազմական գործողություններ իրականացնելը (այս ձևակերպումը մերը չէ, այլ Արցախի ԱԳՆ-ինը), Արցախում հասկանում են, որ Ռուբեն Վարդանյանի պաշտոնանկությունը լուրջ հետևանքներ կարող է ունենալ թե՛ իշխանությունների և թե՛ նրա դեմ աշխատած քաղաքական ուժերի համար։

Ադրբեջանի պահանջով ազատվելով նախկին պետնախարարից՝ Արայիկ Հարությունյանը բանակցությունների իմիտացիա սարքեց Ադրբեջանի հետ, իբր հանդիպել և քննարկումներ են ունեցել գազի և էլեկտրաէներգիայի մատակարարման, ինչպես նաև Լաչինի միջանցքի բացման հարցում, սակայն հաշված օրեր անց Ադրբեջանն արդեն գնաց լուրջ սրացման՝ գնդակահարելով ոստիկանության 3 ծառայողների, ինչը վկայում է, որ այլևս ո՛չ Արայիկ Հարությունյանը և ո՛չ էլ առավել ևս Ռուբեն Վարդանյանի պաշտոնանկության գլխավոր շահառուն՝ Նիկոլ Փաշինյանը, չեն կարողանալու հանրությանը համոզել, թե Լաչինի միջանցքը փակ էր բացառապես Ռուբեն Վարդանյանի պաշտոնավարման հետևանքով, ինչը, և այս հանգամանքը, լուրջ քաղաքական ազդեցություն են ունենալու, ուստի և առաջին գիծ են նետել տարբեր զորացրված առանձնյակների, որոնք էլ փորձելու են նույնիսկ ստեղծված խայտառակ իրավիճակում մեղադրանքներ հասցեագրել Ռուբեն Վարդանյանին, նրան տարատեսակ մեղքեր վերագրել և փորձել նվազեցնել նրա վարկանիշը, ինչը, ինչպես Արցախի մեր աղբյուրների փոխանցմամբ, գրեթե անիրականանալի գործողություն է։

Արցախում արդեն հստակ խոսում են, որ Ռուբեն Վարդանյանը ճիշտ էր, իսկ Արայիկ Հարությունյանը՝ սխալ։

Ռոման Իգիթյան