Էդ Շիրանը, իմանալով կնոջ մոտ քաղցկեղի մասին, հուզվել է և 4 ժամում 7 երգ գրել
ՄշակույթՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Բրիտանացի հայտնի երգիչ-երգահան Էդ Շիրանը, իմանալով կնոջ՝ Չերի Սիբորնի մոտ քաղցկեղի ախտորոշման մասին, այնքան է հուզվել, որ չորս ժամում յոթ երգ է գրել: Աստղը նախընտրել է իր հույզերը հանձնել թղթին, գրում է mirror.co.uk-ը:
Շիրանի մասին վավերագրական ֆիլմում (The Sum of It All) ցուցադրվել են հուզիչ տեսարաններ, որոնցում 32-ամյա աստղն արտասվում է՝ պատկերացնելով, որ սիրելին կարող է մահանալ:
Սիբորնի մոտ քաղցկեղ էր ախտորոշվել 2022-ի փետրվարին, երբ նա հղի էր զույգի երկրորդ երեխայով: Բժիշկները խորհուրդ էին տվել կնոջը սպասել մինչև ծննդաբերություն, որպեսզի հետո վիրահատվի:
«Մենք ուռուցքի ախտորոշում ստացանք, և հաջորդ օրը Էդն իջավ նկուղ և չորս ժամում յոթ երգ գրեց: Ոմանք օրագիր են գրում և իրենց զգացմունքները փոխանցում գրչի միջոցով, իսկ Էդի դեպքում, եթե իսկապես շատ լուրջ բան է պատահում, նա գնում և երգ է գրում», - պատմել է կինը:
Աղբյուրը մանրամասնում է, որ բարեբախտաբար, Սիբորնը վաղաժամ ծննդաբերելու կարիք չի ունեցել, նրա դուստր ծնվել է 2022 թվականի մայիսին:
Շիրանն իր հերթին նշել է.«Այն պահին, երբ տեսնում ես, որ ամենավատ բանը տեղի է ունեցել մեկի հետ, ում իսկապես սիրում ես, զգում ես, որ խեղդվում ես և չես կարող դուրս գալ դրա տակից: Երաժշտությունն ինձ համար միշտ թերապիայի պես է եղել»:
1
2
3
4
5
1
2
3
4
5
1
2
3
5
