Իմ սերն առանձնահատուկ է հայրենիքի հանդեպ. Արկադի Դումիկյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Alphanews.am-ը գրում է.

Alpha News-ը շարունակում է ներկայացնել «Ալֆա պերսոնա» շարքը:

Արկադի Դումիկյանը հայտնի հայ երգիչ է, ով իր ձայնով ու հմայքով գերել է հանդիսատեսին։

Արկադին ծնվել է 1989 թվականին Սմոլենսկ փոքր քաղաքում, սակայն արմատներով Հայաստանի Տաշիր քաղաքից է։

Արկադին մանկուց առանձնահատուկ սեր ուներ երաժշտության հանդեպ, և նա երգում էր իր սիրելի կատարողների երգերը։ Արկադիի ստեղծագործական ուղին հեշտ չէր, նա, թեև, շատ երկար ժամանակ պարզապես երգում էր կորպորատիվ երեկույթներին և հարսանիքներին, բայց մնաց ստվերում:

Ամեն ինչ փոխվեց 2016 թվականին, երբ երգիչը թողարկեց «Մուլատկա» երգը՝ հնարավորինս կարճ ժամանակում հավաքելով 3 միլիոն դիտում։ Մարդիկ սկսեցին աստիճանաբար ճանաչել արտիստին։ Իսկ «Իմ հրեշտակ» երգի և տեսահոլովակի թողարկումից հետո Դումիկյանը արթնացավ հայտնի:

Տարիների ընթացքում Արկադին միլիոնանոց լսարան է ձեռք բերել, հայերը, և ոչ միայն, ամբողջ աշխարհից նրա հիթերը լսում են ամենուր՝ տանը, մեքենայում, տոներին։ Այժմ Դումիկյանը այնքան հայտնի արտիստ է, որ նրա յուրաքանչյուր երգ հիթ է։

Արկադիի երգացանկում քիչ չեն նաև այն երգերը, որոնք նա կատարում է մայրենի լեզվով։ Նա բազմիցս խոստովանել է, որ առանձնահատուկ սեր ունի հայրենիքի հանդեպ, և չնայած հեռու է ապրում, արտիստը երգերի միջոցով փորձում է կապ պահպանել Հայաստանի հետ:

Արկադին հաճախ է լինում Հայաստանում և համերգներ տալիս հայրենիքում։ Նա նաև հաճախ հրավիրվում է խոշոր կորպորատիվ երեկույթների, հարսանիքների և ծննդյան տոների: Արկադին ամենուր սպասված հյուր է:

Նշենք, որ վերջերս Դումիկյանը Միխայիլ Գալուստյանի հետ համատեղ թողարկել է «Երևան» համատեղ երգն ու տեսահոլովակը, որտեղ երգում են Հայաստանի արևոտ մայրաքաղաքի մասին: