Ավելի քան 19 մլն դրամ՝ գյումրեցի մարզիկների և նրանց մարզիչների պարգևատրման համար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գյումրի համայնքի ղեկավար Վարդգես Սամսոնյանն այսօր՝ դեկտեմբերի 26-ին, ընդունել է մարզաշխարհի ներկայացուցիչներին: 2023 թվականի ընթացքում աշխարհի, Եվրոպայի և միջազգային տարբեր մրցաշարերում աչքի ընկած և մրցանակային հորիզոնականներ զբաղեցրած մարզիկ-մարզիչներ (32 մարզիկ և 24 մարզիչ) արժանացել են դրամական պարգևների: Այս մասին տղեկանում ենք armsport.am-ից։

Հանդիպման սկզբում ներկաներին ողջունել ու շնորհավորանքի իր խոսքն է հղել Գյումրի համայնքի ղեկավար Վարդգես Սամսոնյանը, ապա խոսել գյումրեցի մարզիկների գրանցած հաջողությունների, արդյունքների և սպասելիքների մասին։ Վ․Սամսանյանն իր խոսքում ընդգծել է, որ հնարավորության սահմաններում ամեն ինչ անելու են սպորտային ոլորտը ավելի զարգացնելու համար։ Իր խոսքում Վարդգես Սամսոնյանը խոսել է նաև սպորտի թանգարան ունենալու ծրագրի մասին։

Հանդիպման ընթացքում պատվոգրերի են արժանացել նաև տարվա լավագույն մարզական հաստատություններ ճանաչված հետևյալ կառույցները.

• «Արթուր Ալեքսանյանի անվան հունահռոմեական ըմբշամարտի մանկապատանեկան մարզադպրոց» ՀՈԱԿ
• Գյումրու մարմնամարզական մարզաձեւերի մանկապատանեկան մարզադպրոց ՀՈԱԿ
• Շ.Մ Մարզական բարձրագույն վարպետության մարզադպրոց ՊՈԱԿ
• Գյումրու Օլիմպիական հերթափոխի մարզական քոլեջ ՊՈԱԿ
• ԿԳՄՍ Գյումրու ծանրամարտի մանկապատանեկան մարզադպրոց ՊՈԱԿ
• «Հայաստան» ՄՀԿ Գյումրու բռնցքամարտի մանկապատանեկան մարզադպրոց

Մարզիկների և մարզիչների պարգևատրման համար Գյումրի համայնքի ավագանու որոշմամբ հատկացվել էր մոտ 19 մլն 130.000 դրամ։