Մերձավանի կրակոցների դեպքով ևս մեկ անձ կալանավորվեց․ մանրամասներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մերձավանի կրակոցների դեպքով ևս մեկ անձ կալանավորվեց։

Հիշեցնենք, որ ArmLur.am-ի տեղեկություններով՝ Մերձավանում տեղի ունեցած դեպքի վերաբերյալ 3-ի նկատմամբ որպես խափանման միջոց կիրառվել էին կալանքը, 3-ի նկատմամբ՝ տնային կալանքը։

ՀՀ Քննչական ծառայությունից ArmLur.am-ին տեղեկացրել էին, որ սկզբնական շրջանում Մերձավան բնակավայրում տեղի ունեցած դեպքի առթիվ քրեական հետապնդում է հարուցվել 9 անձի նկատմամբ, որոնցից 3-ը ձերբակալված են:

Նախաքննությունը շարունակվում:

Հիշեցնենք, որ ArmLur.am-ը գրել էր, որ Փարաքար խոշորացված համայնքի Մերձավան բնակավայրում տեւական ժամանակ է՝ գյուղի տղաները մեքենան արագ վարելու հարցի շուրջ խնդիր են ունեցել։

Լրատվամիջոցին հայտնի էր դարձավ, որ մեքենան արագ վարել են գյուղում ու հայհոյախառը դիտողություն է արվել։ Արդյունքում, դիտողություն անող անձին պատժելու նպատակով գյուղի խանութի մոտ հավաքվել են մի խումբ տղաներ ու ծեծել իրար։

Այսքանով, ծեծը կուլ չեն տվել մյուս կողմի մասնակիցները․ զինված գնացել են հարց լուծելու, հնչել են կրակոցներ, որն էլ ճակատագրական է եղել միջադեպի մասնակիցներից մեկի համար։

Այս իրավիճակում հարց է առաջանում՝ ո՞ւր էր մարզային, համայնքային ոստիկանությունը, երբ տեւական ժամանակ է՝ գյուղում լարված վիճակ է ու կարող էր կանխվել ողբերգությունը։

Հիշեցնենք, որ տեղեկություններ տարածվեցին, որ գիշերը զինված հարձակում է եղել Փարաքար խոշորացված համայնքի Մերձավան բնակավայրի վարչական ղեկավարի տան ուղղությամբ: Ըստ նախնական տեղեկությունների՝ կա մեկ զոհ և մեկ վիրավոր: