ԱԺ–ում իրավիճակը լարվեց Հովիկ Աղազարյանը շիշը նետեց ՔՊ-ի ուղղությամբ. Արշակյանը նրան դուրս հրավիրեց
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱԺ-ում անկախ պատգամավոր Հովիկ Աղազարյանի ելույթից հետո թեժ վիճաբանություն սկսվեց պատգամավորների միջև: Նիստը վարող ԱԺ փոխնախագահ Հակոբ Արշակյանը դուրս հրավիրեց Աղազարյանին դահլիճից և արգելեց մասնակցել նիստին:
Աղազարյանն իր ելույթում նախ նշեց, որ եթե Կոնյակի գործարանը չմասնավորեցվեր այսօր խաղողագործություն չէր լինի ՀՀ-ում, ապա անդրադառնալով ՀԷՑ-ի պետականացման գործընթաքին, պատգամավորը նշեց, որ այդ քայլերով փորձ է արվում հակառուսական տրամադրությունները խորացնել ՀՀ-ում:
«Դա արվում է նրա համար, որ մենք վաղը, մյուս օրը շրջվենք դեպի արևմուտք, իսկ արևմուտքը սկսվում է Թուրքիայից, իսկ Թուրքիան, որ սկսենք իրենից արևմուտք գնալ, կասի 300 հազար փախստականներ: 300 հազար փախստականից մի չնչին մասը կգա Հայատսան և բոլորդ գիտեք, թե ինչ տեղի կունենա: Խնդրում եմ ռուսական կողմին չտրվել մեր սադրանքներին»,-ասաց նա:
Պատգամավորի ելույթից հետո ՔՊ-ականները տեղից սկսեցին բղավել՝ ամոթ: Իսկ Հովիկ Աղազարյանը շիշ նետեց ՔՊ-ական Տիգրան Պարսիլյանի ուղղությամբ:
Հակոբ Արշակյանը փորձ արեց հանդարտեցնել պատգամավորներին, իսկ Աղազարյանը ՔՊ-ականներին հրավիրում էր դուրս՝ կռվելու:
«Պարո՛ն Եղոյան, հանգիստ: Պարոն Աղազարյան, ինձ նայեք մի հատ, դուրս եմ Ձեզ հրավիրում դահլիճից և արգելում եմ ձեր մասնակցությունն այս նիստին:
Պարո՛ն Եղոյան, Ձեզ նախազգուշացում, տեղից չբղավել: Հասկանալի է, որ ելույթն օտարերկրյա շահ էր ներկայացնում, ինձ էլ դուր չեկավ, բայց խնդրում եմ՝ էմոցիաների մի՛ տրվեք, ելույթով կարող եք արձագանքել»,- ասաց ԱԺ փոխխոսնակը:
Հետևեք մեզ՝ այստեղ
1
2
3
4
5
1
2
3
4
5
1
2
5
