19-ամյա տղան սպանել է երկու քույրերին՝ վիճակախաղում հաղթելու համար
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Լոնդոնում 19-ամյա մի երիտասարդ սպանել է երկու քույրերի՝ վիճակախաղում հաղթելու համար: Ավելի ուշ նրա տանը հայտնաբերվել է ձեռագիր փաստաթուղթ, որը, ենթադրաբար, բրիտանացու և սատանայի միջև կնքված պայմանագիր է, որի համաձայն նա պետք է զոհաբերեր կանանց՝ հարստանալու համար, գրում է The Mirror-ը:
Տասնինը տարեկան Դանյալ Հուսեյնը սպանել է երկու բրիտանացի կանանց նրանցից մեկի ծննդյան երեկույթի ժամանակ: Զոհերի մարմինները հայտնաբերվել են սպանությունից մեկ օր անց՝ Ուեմբլի այգու ցանկապատում, որտեղ քույրերը նշում էին իրենց տարեդարձը: Դատարանի որոշմամբ՝ երիտասարդը զոհերից մեկին դանակահարել է ութ անգամ, իսկ մյուսին՝ 28 անգամ:
«Երբ ոստիկանությունը խուզարկեց մեղադրյալի ննջասենյակը, նրանք հայտնաբերեցին ձեռագիր փաստաթուղթ, որը ենթադրաբար պայմանագիր էր մեղադրյալի և դևի միջև, որում նա խոստանում էր զոհաբերել կանանց՝ վիճակախաղում հաղթելու և իր կատարած որևէ հանցագործության մեջ կասկածվելուց խուսափելու համար», - ասաց դատախազ Օլիվեր Գլազգոն ։
Նա նաև նշեց, որ Հուսեյնը, կարծես, վստահ էր իր ծրագրի մեջ, քանի որ սպանությունից կարճ ժամանակ առաջ գնել էր վիճակախաղի տոմսեր։ Դրանցից երեքը գտնվել են «պայմանագրի» մեջ։ «Ինչպես պարզվեց, դևը չի իրականացրել գործարքը, քանի որ մեղադրյալը ոչ միայն չի կարողացել շահել վիճակախաղը, այլև ոստիկանությունը բացահայտել է նրան այս երկու սպանությունների հետ կապող բոլոր ապացույցները», - եզրափակեց Գլազգոն։ Մեղադրյալը ամեն ինչ հերքում է։
Թարգմանությունը՝ Past.am-ի
Հետևեք մեզ՝ այստեղ
1
2
3
4
5
1
2
3
4
1
2
