Թրամփը խղճուկ փորձ է ձեռնարկել՝ Իրանում պшտերազմի միջոցով հանրության ուշադրությունը շեղելու Էփշթեյնի գործից. Քամալա Հարիս
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ նախագահ Դոնալդ Թրամփը «խղճուկ փորձ» է ձեռնարկել՝ Իրանում պատերազմի միջոցով հանրության ուշադրությունը շեղելու մանկապղծության մեջ մեղադրվող ֆինանսիստ Ջեֆրի Էփշթեյնի գործից։ Նման կարծիք է հայտնել Միացյալ Նահանգների նախկին փոխնախագահ և Դեմոկրատական կուսակցությունից նախագահի նախկին թեկնածու Քամալա Հարիսը, հաղորդում է ՏԱՍՍ-ը:
«Սա Էփշթեյնի դոսյեից ուշադրություն շեղելու նրա խղճուկ փորձն է»,- ասել է քաղաքական գործիչը Դետրոյթում (Միչիգան նահանգ) Դեմոկրատական կուսակցության կողմից կազմակերպված միջոցառման ժամանակ։
Քաղաքական գործչի կարծիքով՝ ԱՄՆ-ն ներքաշվել է հակամարտության մեջ Իսրայելի վարչապետ Բենիամին Նեթանյահուի պատճառով։
«Իրականում ամերիկացի ժողովուրդը չի ցանկանում մասնակցել այդ հակամարտությանը։ Մարտական գործողությունների ընթացքում վտանգի տակ են հայտնվել ամերիկացի զինծառայողները, իսկ հակամարտության հետևանքով բարձրացել են վառելիքի գները»,- ասել է Հարիսը,
Քաղաքական գործիչը նաև մեղադրել է նախագահին այն բանում, որ նա ամերիկացի առաջնորդներից առաջինն է, ով հրաժարվել է պատասխանատվությունից՝ պաշտպանելու աշխարհում ԱՄՆ-ի դաշինքները, և նախընտրել է չսատարել միջազգային կանոններն ու նորմերը, ինչպիսիք են ինքնիշխանությունն ու տարածքային ամբողջականությունը։ Արդյունքում ԱՄՆ-ն, ըստ Հարիսի, դաշնակիցների աչքում դարձել է անհուսալի գործընկեր։
«Ընդհանուր առմամբ, այժմ ԱՄՆ-ում իշխանության ղեկին է գտնվում երկրի պատմության մեջ ամենակոռումպացված, կոպիտ և ոչ կոմպետենտ վարչակազմը»,- նշել է նախագահի նախկին թեկնածուն։
Հիշեցնենք, որ 2026 թվականի հունվարի 30-ին ԱՄՆ արդարադատության նախարարությունն ավարտել է Էփշթեյնի դոսյեից ավելի քան 3 միլիոն էջ փաստաթղթերի, ինչպես նաև ավելի քան 2,000 տեսանյութի և 180,000 լուսանկարի հրապարակումը։ Դրանցում ներառված են տարբեր երկրների արքայական ընտանիքների անդամների, հայտնի պետական գործիչների, գործարարների, դիվանագետների և գիտնականների տասնյակ անուններ։
Հետևեք մեզ՝ այստեղ
1
2
3
4
5
1
2
3
4
1
2
