«Զզվում եմ մեծամիտ եւ գոռոզ մարդկանցից». ի՞նչ է պարզել հայ հաղորդավարը Իչայի դերակատարի մասին
PhotoIravunk.com-ը գրում է.
«Իրավունքն» օրերս գրել էր, որ երգիչ, «Տնից հեռու» հեղինակային հաղորդման հաղորդավար ՎԱՐԴԱՆ ՍԱՐԳՍՅԱՆԸ Հնդկաստանում՝ Մումբայում, հանդիպել եւ բացառիկ հարցազրույցներ է ունեցել հայ հեռուստադիտողի կողմից սիրված հնդկական սերիալների հերոսների հետ: Այսպիսով՝ ամփոփելով հանդիպումների շարքը՝ Վ. Սարգսյանը նախ շնորհակալություն է հայտնել՝ իր հանդիպումների շուրջ ստեղծված մեծ ուշադրության համար, ապա մանրամասնել. «Հավատացեք յուրաքանչյուրդերասանի հանդիպելու համար մենք անբացատրելի մեծ աշխատանք ենքկատարել: Ներողություն եմ խնդրում այն մարդկանցից, ում նամակներին չեմկարողացել պատասխանել (6000 նամակ), բոլորին կպատասխանեմ մի քանիօրից»:
Ի դեպ, բոլիվուդյան աստղերի հետ նախատեսված հանդիպումներից չեն կայացել ընդամենը մի քանիսը, որոնց անդրադառնալով՝ Վ. Սարգսյանը պարզաբանել է. «Ինչ վերաբերվում է Բարուն Սոբտիին («Ի՞նչ կոչել այս սերը» հեռուստասերիալի Արնավ Սինգհ Ռայզադայի դերակակատարը, - հեղինակ), նշեմ, որ նրա հետ կապի մեջեմ եղել ամեն օր:
Ցավոք, նա քաղաքում չէ, վերադառնալու է մի քանի օրից, իսկ ես այդքանսպասել չեմ կարող (հասկացեք, ես եւս ունեմ բազում այլ պլաններ ու բացի դայուրաքանչյուր ավել օրը կախված է մեծ ֆինանսներից): Սակայն,չեմ հիասթափեցնի եւ կնշեմ, որ շուտով պլանավորում եմ նորից մեկնելՄումբայ եւ այդ անգամ կնկարահանեմ նրան»:
Վ. Սարգսյանին չի հաջողվել նկարահանել նաեւ նույն հեռուստասերիալի դերասանուհի Սանայա Իրանին, որը կերտել է Քուշի Գումարի Գուպտա Սինգհ Ռայզադայի կերպարը, որովհետեւ նա եղել է հիվանդանոցում. «Նույնիսկ հանդիպել եմ նրա մոտընկերուհուն, եւ նկարահանումներ կատարել հիվանդանոցում: Հասկանում եք՝անհնար էր»:
«Տնից հեռու» հաղորդման հեղինակը նաեւ ուշագրավ մանրամասներ է պատմում «Մերժվածը» հեռուստասերիալի դերասանուհի Թինա Դատտայի մասին, որը կերտել է Իչայի կերպարը. «Կասեմ միայն, որ զզվում եմ մեծամիտ եւ գոռոզ մարդկանցից, այն էլ այն դեպքում, երբ իրենցից մեծ բան չեն ներկայացնում (ի դեպ,նրա մասին նույն կարծիքին են նաեւ մյուս դերասանները, ում հանդիպեցի)»:
Իսկ վերջում բոլիվուդյան աստղերին մեր հանրությանը ներկայացնող հայ հաղորդավարը հավելել է. «Հուսով եմ՝ կարողացա Ձեզ նվիրել հետաքրքիր պահեր այս օրերիընթացքում, բայց հավատացեք այն,ինչ նկարահանել ենք կլինի անբացատրելիհետաքրքիր: Շատ շուտով «Տնից Հեռու» ATV-ի եթերում՝ Մումբայից»: