Մանկապարտեզների տնօրեններն անժամկետ չեն ղեկավարի
Ուշադրության կենտրոնումՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
Կառավարությունը մտադիր է կրճատել մանկապարտեզների տնօրենների կառավարման ժամկետներն ու խստացնել այդ պաշտոնում նրանց նշանակման պայմանները։ Այդ նպատակով ՀՀ Կրթության, գիտության, մշակույթի և սպորտի նախարարությունը փոփոխություններ ու լրացումներ է առաջարկել «Նախադպրոցական կրթության մասին» օրենքում։
Կառավարության այսօրվա նիստում ներկայացված նախագծով առաջարկվում է նախադպրոցական հաստատություններում օրենքի պարտադիր պահանջով սահմանել նախադպրոցական ուսումնական հաստատության մանկավարժների վերապատրասման կարգը, ուսումնական հաստատության տնօրենի հավաստագրի ստացման կարգն ու ժամկետները և նախադպրոցական ծառայություններ իրականացնող կազմակերպությունների լիցենզավորման պահանջը։
Օրենքի նախագծով մանկավարժների համար պարտադիր վերապատրաստման ժամկետ է սահմանվում 5 տարին։
Իսկ տնօրենների համար առաջարկվում է հանել հավաստագրի ստացմանը նախորդող պարտադիր վերապատրաստման պահանջը:
«Իրականացված վերլուծության համաձայն` համայնքային նախադպրոցական ուսումնական հաստատությունների տնօրենների շուրջ 65 %-ը պաշտոնավարում է անորոշ ժամկետով պայմանագրերի հիման վրա, ինչը չի բխում «Նախադպրոցական կրթության մասին» օրենքի 19-րդ հոդվածի տրամաբանությունից և անհավասար պայմաններ է ստեղծում դաշտում»,– նշված է օրինագծի հիմնավորումներում։
Ինչ վերաբերում է մանկապարտեզների լիցենզավորման պարտադիր պահանջին, դրա համար նախագծով սահմանվում է լիցենզիայի ստանալու համար դիմում ներկայացնելու ժամկետ` մինչև 2023 թվականի դեկտեմբերի 10-ը:
Կառավարությունն այսօրվա նիստում հավանության արժանացրեց նախարարության օրենսդրական առաջարկը։ Օրենքի նախագիծն առաջիկայում կքննարկվի ԱԺ–ում։
1
2
3
4
5
1
2
3
4
5
5
