3 մարդ զոհվել է, 55-ը՝ վիրավորվել. ՀՀ ոստիկանությունը հայտարարություն տարածեց

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Ըստ ոստիկանության օպերատիվ հաղորդագրությունների ամփոփագրերի՝ մարտի 31-ից ապրիլի 3-ը Հայաստանի Հանրապետության ոստիկանության ստորաբաժանումները բացահայտել են հանցագործության 130 դեպք:

Ոստիկանությունից NEWS.am-ին հայտնում են, որ մասնավորապես՝ թմրամիջոցի հայտնաբերման՝ 21, ֆիզիկական ներգործության՝ 16, մարմնական վնասվածք պատճառելու, անձնական ունեցվածքի գողության և խարդախության՝ 12-ական, հոգեկան ներգործության՝ 8, զենք-զինամթերքի առգրավման` 6, խուլիգանության ու թմրանյութի իրացման՝ 5-ական, սեքսուալ բնույթի բռնի գործողությունների և պաշտոնատար անձի ծառայողական գործունեությանը միջամտելու՝ 3-ական, գույքը ոչնչացնելու կամ վնասելու և պետական սահմանն ապօրինի հատելու՝ 2-ական, մարդու առևանգման, խոշտանգման, ավազակության, բնակարանային գողության, վստահված գույքը հափշտակելու, պաշտոնեական կեղծիքի կամ անփութության, բուժաշխատողի կողմից մասնագիտական պարտականությունները չկատարելու, ընտանեկան բռնության և սեքսուալ բնույթի բռնի գործողություններին հարկադրելու՝ 1-ական դեպք։

Հայտնաբերվել են 1 անհետ կորած և 10 հետախուզվող։ Կամավոր ներկայացել է 1 հետախուզվող։

Գրանցվել է զենք-զինամթերքի կամավոր հանձնման 4 դեպք։

Նախկինում կատարված հանցագործություններից բացահայտվել է անձնական ունեցվածքի գողության 6, սպանության փորձի, մարմնական վնասվածք պատճառելու և խարդախության 1-ական դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 39 պատահար. 3 մարդ զոհվել է, 55-ը՝ ստացել տարբեր աստիճանի մարմնական վնասվածքներ: