«Հայոց պատմություն» առարկայի 7–րդ դասարանի դասագրքում 46 շտկում կարվի
ՄշակույթՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Հայոց պատմություն» առարկայի 7–րդ դասարանի դասագրքում 46 շտկում կարվի, և դրանք ներդիրի տեսքով կներկայացվեն դպրոցներին. կիրականացվեն բովանդակային նյութերի 15 էական, 13 աննշան, տարեթվերին վերաբերող 13 և ուղղագրական 5 շտկումներ։
Ասուլիսի ժամանակ այս մասին հայտնեց դասագրքի աշխատանքային խմբի ղեկավար «Մասնակցային դպրոց» կրթական հիմնադրամի տնօրեն Վահրամ Սողոմոնյանը։
Նա ընդգծեց, որ բացի բովանդակային շտկումներից , կփոխվի նաև Վանի թագավորության քարտեզը, որը բազմիցս քննարկվել է։
Ըստ Սողոմոնյանի՝ այդ քարտեզը թյուրիմացաբար է ներառվել գրքում՝ ժամանակի սղության և տարբեր այլ հանգամանքների պատճառով։ «Նշեմ, որ կլինի նոր մշակված քարտեզ, որը նաև ներկայացվել է Էրեբունու թանգարանի մեր գործընկերներին նրանց կարծիքը լսելու համար: Կփոխվի նաև Ղազար Փարպեցու պատկերը, որը ևս սխալ է տեղադրված»,- ասաց նա:
Նա նշեց, որ նախարարության կազմակերպած հանդիպման ընթացքում բոլոր կարծիքները, դիտողություններն և դիտարկումները հանձնվել են դասագրքի հեղինակին, ով ամփոփաթերթի տեսքով նախարարություն կներկայացնի, թե յուրաքանչյուր դիտարկման կամ դիտողության վերաբերյալ ի՞նչ դիրքորոշում ունի, ի՞նչ շտկումներ է իրականացնելու, ինչի՞ հետ է համաձայն, և ինչի՞ հետ ոչ:
Անդրադառնալով քննարկումներին՝ դասագրքի հեղինակ Սմբատ Հովհաննիսյանը նշեց, որ դրական է համարում, որ այժմ կա հարթակ և հնարավորություն կարևոր հարցերի շուրջ ծավալուն քննարկումներ իրականցվելու համար։
«Իհարկե, եթե ես դասագրքի ստեղծման ժամանակ առաջնորդվեի նախորդ մոդելներով, գուցե, այս ամենը ինչ-որ տեղ աննկատ անցներ, բայց մենք գնացել ենք այլ ճանապարհով, բովանդակությանը կցել ենք նոր առաջադրանքներ, քանի որ դասագրքի հիմանական նպատակներից մեկն այն է, որ պետք է աշակերտների մոտ ձևավորվի քննական մտածողություն և դրան գումարած նաև պատմական մտածողություն, և այս տեսանկյունից դասագիրքն արդեն իսկ նորություն է»,-նշեց հեղինակը։
1
2
3
4
5
1
2
3
4
5
1
2
4
5
