«Գալաքսի» ընկերությունների խմբի համահիմնադիրների հրավերով տեղի է ունեցել հայ-ֆրանսիական գործարար նախաճաշ
Հասարակություն![«Գալաքսի» ընկերությունների խմբի համահիմնադիրների հրավերով տեղի է ունեցել հայ-ֆրանսիական գործարար նախաճաշ](/timthumb.php?src=disc/12-04-24/f1d511f4a10c49ee4b68ce48684f0c07.jpg&w=780)
«Գալաքսի» ընկերությունների խմբի համահիմնադիր և կառավարման խորհրդի համանախագահ
Արտյոմ Խաչատրյանի և խմբի համահիմնադիր ու գլխավոր տնօրեն Արամ Խաչատրյանի հրավերով
տեղի է ունեցել գործարար նախաճաշ Հայաստան ժամանած Ֆրանսիայի Բուշ-Դյու-Ռոն
դեպարտամենտի խորհրդի անդամների և գործարարաների հետ:
Երեք տասնյակից ավել ֆրանսահայ գործարարներ բիզնես նախաճաշի ընթացքում քննարկել են
Հայաստանում գործարար կապերի խորացման ու համագործակցության նոր ճանապարհներ
նախագծելուն ուղղված հարցեր: Ֆրանսահայ պատվիրակության կազմում ընդգրկված են եղել
Ֆրանսիայի Բուշ-Դյու-Ռոն դեպարտամենտի և Էքս-Մարսել-Պրովանս Մետրոպոլի նախագահ
Մարտին Վասալը, Մարսելի նախկին փոխքաղաքապետ Դիդյե Փարաքյանը և այլոք:
«Գալաքսի» ընկերությունների խմբի համահիմնադիր և կառավարման խորհրդի համանախագահ
Արտյոմ Խաչատրյանը ներկայացրել է ընկերությունների խմբի կողմից իրականացվող ներդրումային
ծրագրերն ու բիզնես ուղղությունները, որին հաջորդել է մասնագիտական քննարկում:
«Հայ-ֆրանսիական գործարար հարաբերությունների խորացումը կարևոր է մեզ համար: Մենք հայ-
ֆրանսիական բիզնես համագործակցության նախադեպ ունենք՝ ի դեմս Հայաստանում արդեն երկու
տարի ակտիվ գործունեություն ծավալող, 1889 թվականին Ֆրանսիայում հիմնադրված PAUL
սրճարանի, որ մեր հայրենակիցների սիրելի վայրերից մեկն է դարձել».- նշել է «Գալաքսի»
ընկերությունների խմբի համահիմնադիր և կառավարման խորհրդի համանախագահ Արտյոմ
Խաչատրյանը:
Բիզնես նախաճաշը կազմակերպվել էր նորաբաց Courtyard by Marriott Yerevan հյուրանոցային
համալիրում։
Նշենք, որ 1999թ հիմնադրված «Գալաքսի» ընկերությունների խումբը պարբերաբար նախաճաշի
ձևաչափով հանդիպումներ է կազմակերպում գործարար համայնքի հետ` նոր նախագծերի
քննարկման և համայնքի զարգացման համար:
![](disc/12-04-24/8a96d588a971378c7e7886433ff7f3d2.jpg)
![](disc/12-04-24/f59edd5580733fc06863fa739822672e.jpg)
![](disc/12-04-24/3226125cc2397be2532d27a1f18d7c9b.jpg)
![](disc/12-04-24/9a71f1f7766d8e76184355ec9cdaf6ed.jpg)
![](disc/12-04-24/7983d8e5d85997c675b9d41935d12a71.jpg)