Պարտավոր ենք ամեն ինչ անել Լաչինի միջանցքը վայրկյան առաջ բացելու համար. ՀՀ նախագահ
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանը պարտավոր է ամեն ինչ անել, որպեսզի Լաչինի միջանցքն օր առաջ բացվի։ Այսօր Գյումրիում լրագրողների հետ զրույցում ասաց ՀՀ նախագահ Վահագն Խաչատուրյանը` անդրադառնալով երկրի անվտանգային խնդիրներին։
«Կյանքը շարունակվում է։ Մենք բոլոր ուղղություններով պարտավոր ենք աշխատել։ Պարտավոր ենք ամեն ինչ անել, որպեսզի Լաչինի միջանցքը մեկ օր, մեկ ժամ, մեկ վայրկյան առաջ բացվի։ Սա չի նշանակում, որ մնացած աշխատանքները չպետք է անենք։ Կյանքն այդպես է։ Եթե չանենք, ապա Լաչինի հարցն էլ չենք կարողանա լուծել»,– նշեց նախագահը։
Նա հանրությանը խնդրեց առօրյա կյանքում հանդիպող բոլոր պարտավորություններն անել, հատկապես պետական կառույցներում։ Խաչատուրյանը վստահեցրեց` պետք է տնտեսական հաջողություններ ունենալ, որպեսզի հնարավոր լինի լուծել պետության առաջ ծառացած խնդիրները։
Ըստ նախագահի` պետք է այնպես անել, որ բոլորն իմանան` Հայաստանն աստիճանաբար ոտքի է կանգնում։
«Մեր հակառակորդ պետությունը (նկատի ունի Ադրբեջանը. խմբ.) չի ցանկանում խաղաղ ապրել, բայց ստիպված է լինելու դա անել։ Իրենք թույլ չեն տա, որպեսզի մեր տնտեսական հաջողությունները շարունակական լինեն։ Պետք է կարողանանք սա ապահովել»,– նշեց Խաչատուրյանը։
1
2
3
4
5
1
2
3
4
5
1
2
