Ով է փակել Բերձորի միջանցքը․ ուշագրավ տվյալներ են հրապարակվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բաքուն պնդում է, որ չի շրջափակել Բերձորի միջանցքը։ Մոսկվան իր հերթին պնդում է, որ ինքը չի շրջափակել Բերձորի միջանցքը։ Մոսկվան նաեւ չի ասում, թե ով է շրջափակել միջանցքը, իսկ ՄԱԿ ԱԽ-ում տապալելով այդ հարցով բանաձեւի ընդունումը, ՄԱԿ-ում ՌԴ ներկայացուցիչը պարզաբանել էր, որ այդ բանաձեւի տեքստում «միակողմանի մեղադրանք կար կողմերից մեկի հասցեին»։ «Կողմերից մեկը» Բաքուն էր, այսինքն ՌԴ-ն չի ցանկացել, որ արձանագրվի, որ Բաքուն շրջափակել է միջանցքը։ Դա նշանակում է, որ միջանցքի շրջափակումը Մոսկվա-Բաքու համաձայնություն է։ Կամ էլ՝ միջանցքը փակվել է ինքն իրեն։

Բերձորի միջանցքին ռուս «խաղաղապահներ»-ցապար ցեղերի ակտիվիստներ միմոսությունները դրանով չեն ավարտվում։ Բաքուն պնդում է, որ միջանցքը շրջափակված չէ, եւ երեկ որպես ապացույց միջանցքով անցուդարձի «վիճակագրություն է» հրապարակել։ Ըստ դրա՝ շրջափակումից ի վեր 27 օրվա ընթացքում «երկու ուղղություններով իրականացվել է 370 տարբեր տեսակի տրանսպորտային միջոցների տեղաշարժ, որից 330-ը՝ ռուս խաղաղապահների կողմից, 31-ը՝ Կարմիր խաչի միջազգային կոմիտեի (այդ թվում շտապ օգնության մեքենաներ), իսկ շտապ օգնության 3 մեքենաները՝ «Արցախի բնակիչների կողմից»:

Արցախի դատախազությունն, անդրադառնալով այս հրապարակումներին, տարածել է հաղորդագրություն, որում ասվում է․ «ադրբեջանական թեզի մերկ լինելը փաստելու համար բավարար է ընդամենը երեք վիճակագրական տվյալի բացահայտումը. մինչ Արցախը Հայաստանի հետ կապող միակ՝ Ստեփանակերտ-Գորիս ավտոճանապարհն արգելափակելը, 2022թ. նոյեմբեր ամսվա ցուցանիշների համաձայն, ՀՀ-ից Արցախ էր մատակարարվել օրական 380-400 տոննա սննդամթերք և հանրային կարիքների համար նախատեսված այլ ապրանքներ (27 օրում՝ 10.260-10.800 տոննա), «Լաչինի միջանցքով» մեկ ուղղությամբ՝ Հայաստանից Արցախ էր մեկնել օրական միջինը 454 մեքենա (27 օրում՝ 12.258), ավելի քան 1.200 մարդ (27 օրում՝ 32.400): Հատկանշական է, որ հիշյալ ցուցանիշները փոքր են ոչ միայն 2020թ. 44-օրյա պատերազմին նախորդող ժամանակահատվածի, այլև 120.000-անոց բնակչության միջին մակարդակի բարեկեցությունն ապահովելու համար անհրաժեշտ պահանջարկի համեմատությամբ: Ադրբեջանական լրատվամիջոցները վերոհիշյալ հրապարակմամբ հաստատել են նաև այն, որ 27 օր Արցախի Հանրապետության բնակիչները զրկված են միջանցքով տեղաշարժվելու և Հայաստանի Հանրապետության հետ կապի հնարավորությունից, միջանցքում երթևեկել են բացառապես ռուս խաղաղապահները և ԿԽՄԿ ներկայացուցիչները»: